گاڤ نيوز

ئيرانێ داخواز ژ وه‌لاتيێن خۆ كر تا ده‌مه‌كێ دى سه‌ره‌دانا ئيراقێ نه‌كه‌ن.

ئه‌ڤ داخوازيا ئيرانێ هه‌ڤده‌م ل گه‌ل به‌رفره‌هبوونا بازنه‌يێ خۆنيشاندانێن سه‌دريان و چوونا وان بۆ دناڤ كۆچكا حكومى دا و گرتنا وان بۆ رێڤه‌به‌ريێن ميرى ل ژماره‌يه‌كا پارێزگه‌هان هات.

د به‌يانه‌كا وه‌زاره‌تا ناڤخۆ يا ئيرانێ دا هاتيه‌؛ داخوازێ ژ وه‌لاتيێن ئيرانێ دكه‌ين تا ده‌مه‌كێ دى سه‌ره‌دانا ئيراقێ نه‌كه‌ن ژ به‌ر ره‌وشا ئه‌منى ل وى وه‌لاتى.

تێدا هاتيه‌ ژى؛ پێدڤيه‌ ئيرانيێن سه‌ره‌دانا نه‌جه‌ف و كه‌ربه‌لا كرين ڤه‌گه‌ڕنه‌ڤه‌ بۆ ئيرانێ.

باليۆزخانه‌يا ئيرانێ ل ئيراقێ ژى داخواز ژ ئيرانيان كر تا ده‌مه‌كێ دى سه‌ره‌دانا به‌غدا، كازمه‌ و سامه‌را نه‌كه‌ن.