ل زۆنا كه‌سك شه‌ڕ و ته‌قه‌یه‌كا مه‌زنه
بەلاڤ بکە
گاڤ نيوز
خۆنيشاندانێن لايه‌نگرێن ره‌وتێ سه‌در ل به‌غدا به‌رده‌وامن و شه‌ڕ و ته‌قه‌كرن دناڤبه‌را خۆنيشانده‌ران و هێزێن ئه‌منى دا ل ده‌ڤه‌را كه‌سك دروستبوويه.
ل گۆره‌ى ئاژانسان؛ ده‌نگێن ته‌قه‌كرنێ ل پايته‌ختێ ئيراقێ دهێنه بهيستن و ژماره‌يه‌كا ڤيديۆيێن شه‌ڕ و ته‌قه‌كرنێ دناڤ مالپه‌رێن سوشيال ميديايێ دا به‌لاڤبووينه.
ديار ژى كرينه؛ شه‌ڕ و پێكدادان دناڤبه‌را هێزێن ئه‌منى و هێزێن سه‌رايا سه‌لام يێن گرێداى سه‌درى ده‌ستپێكرينه.
د ده‌مه‌كێ دى دا ژ ئه‌ڤرۆ، موقته‌دا سه‌در ده‌ستژكاركێشانا خۆ ژ كارێ سياسى راگه‌هاند بوو و بڕيارا داخستنا هه‌مى سازيێن ره‌وتى دا و داخواز كر ناڤێ وى و ناڤێ ره‌وتى د چ چالاكيێن سياسى يان راگه‌هاندنێ دا نه‌هێنه بكارئينان.
لايه‌نگرێن سه‌درى ل به‌غدا و ژماره‌يه‌كا پارێزگه‌هێن ئيراقى پشتى بڕيارێ خۆنيشاندانێن نه‌رازيبوونێ يێن به‌رفره‌هـ ده‌ستپێكرن و چوونه دناڤ ژماره‌يه‌كا باره‌گايێن حكومى دا.
