گاڤ نیوز

پۆلیسێن پارێزگه‌ها دهۆكێ روونكرنه‌كا بله‌ز ل دۆر چێبوونا گرژیان د ناڤبه‌را جه‌ماوه‌ر و پۆلیسان دا د یاریا دوهى یا د ناڤبه‌را یانه‌یێن (دهۆك و هه‌ولێر) دا به‌لاڤكر كو ئه‌ڤه‌ ده‌قێ وێ یه‌:

رێکەفتی (٣٠/١٠/٢٠٢٢) کارگێریا یانا دھوک د یاریا ل ھەمبەر یانا ھەولێر دا یا کێمتر خەم بویە ژبەرکو پلێتێن چوونا دناڤا یاریگەھێ دا گەلەک ژ شیانێن یاریگەھێ زیدەتر فروت بوون .

داکو گرژی و ئالوزی نەھێنە ڤەگوھاستن بو ناڤا یاریگەھێ و یاریگەهـ نەھێتە تێکدان و یانا دھوک نەھێتە سزادان تیمێن پولیسان نەچاربوون رێکێ ژ چوونا ھژمارەکا جەماوەری بگرن.

سەرەرای ھژمارەکا مەزن یا جەماوەری پاراستنا یاریگەھێ ب شێوەکێ گشتی ھاتبوو کرن و بتنێ گرژیا دەرگەھێ ھژمارە (٧) یێ چوونا ناڤا یاریگەھێ ژ ھژمارەکا جەماوەرێ نە بەرپرسیار دەستپێکریە و ئەو بونە ئەگەرێن ھنگافتنا ئەفسەرەکی و ھژمارەکا پولیسان.

بۆ رایا گشتی رادگەھینین سەرەرای ھەر قوربانیدانەکێ و ھەر چ زیانەکا ب گەھیتە پولیسان ئەم دێ بەردەوام دخزمەتا ئارامی و پاراستنا دەستکەفتێ یانا دھوک و جەماوەرێ وێ یێ راستەقینە دا بین و پێرابون ژی دێ ھێنە وەرگرتن .. 

دخوازین ئەم ھەمی پێکڤە خو ب بەرپرسیار بزانین ئەرکێ مە پاراستنا یانێ و یاریگەھێ یە و ئەرکێ جەماوەری پشتەڤانیکرنا یانێ یە.