لێكۆلينهكا نوی دەربارەی نەخۆشیا شەکرێ هاتە بەلاڤکرن
د لێكۆلينهكا كۆڤارا زانستى Dipitology دا هاتيه؛ ئهو كهسێن بۆ دهمێ دههـ خۆلهكان پشتى ههر دانەکێ خوارنێ وهرزشا برێڤهچوونێ كرين، ئاستێ شهكرێ د خوينا وان دا ب رێژهيا 22% كێمبوويه.
ديار ژى كريه؛ ئهڤ باشبوونا رهوشا تووشبوويان ب تايبهت پشتى برێڤهچوونا ل پشتى خوارنێ يا شهڤێ هاتيه ديتن.
زانا ئهگهرێن ڤێ چهندێ بۆ "گرژبوونا ماسولكهيان پشتى دهمهكێ كێم ژ خوارنێ هاريكاريا ڤهگوهاستنا گلوكۆزا ههرسكرى بۆ خانهيێن زهڤلهكان بێى پێدڤيبوونێ بۆ دهردانا ئهنسۆلينێ دكهت" ڤهدگهڕينن.
ل گۆرهى پسپۆران، وهزرشا برێڤهچوونێ دبيته ئهگهرێ كونترۆلكرنا بلندبوونا ئاستێن شهكرێ د خوينێ دا، كهسێن ساخلهم ژ تووشبوونێ ب نهخۆشيا شهكرێ ژ جۆرێ دوێ دپارێزيت، پتر كالۆرى دهێنه سۆتن، پاراستنێ ل كێشا لهشى يا پێدڤى بۆ تووشبووێن نهخۆشيا شهكرێ دكهت و كێشا لهشێ وان كێم دكهت ههروهسا خۆلا خوينێ چالاك دكهت.