"ئيراق ئێك ژ هاورده‌كارێن سه‌ره‌كى يێن برنجێ يه ل جيهانێ"
بەلاڤ بکە
گاڤ نيوز
ئاژانسه‌كا ئه‌مريكى ئاشكرا كر كو چار وه‌لاتێن رۆژهه‌لاتا ناڤين و ئيراق ئێك ژ وانه ژ وه‌لاتێن سه‌ره‌كى يێن برنجێ هاورده دكه‌ن ل سه‌ر ئاستێ جيهانێ دهێنه هژمارتن.
ئاژانسا S&P Global Commodity د راپۆرته‌كێ دا ديار كريه؛ سالانه 500 مليۆن ته‌نێن برنجێ دهێنه به‌رهه‌مئينان چونكى ئه‌و خوارنا سه‌ره‌كى يه ل جيهانێ.
ديار ژى كريه؛ هند مه‌زنترين وه‌لاتێ هنارده‌كارێ برنجێ يه ب 11 مليۆن ته‌نان سالانه و ل دويڤ دا هه‌ر ئێك ژ تايلاند و ڤێتنام ب 7 بۆ 8 مليۆن ته‌نان سالانه دهێن.
ئاشكرا ژى كريه؛ چين مه‌زنترين وه‌لاتێ هاورده‌كارێ برنجێ بوو ب نزيكى 3 مليۆن ته‌نان سالانه، لێ ل ڤێ دويماهيێ فليپين ژ به‌رى چينێ د هاورده‌كرنا برنجێ دا دهێت.
تێدا هاتيه ژى؛ هاورده‌كارێن سه‌ره‌كى يێن دى يێن برنجێ چار وه‌لاتێن رۆژهه‌لاتا ناڤينن كو ژ سعووديه، ئيراق، ئيران و ئوردن پێكدهێن.
