گاڤ

سالانە ل رۆژا 14ێ چریا دوێ رۆژا جیهانی یا نەخۆشیا شەکرێ ل سەرانسەری جیهانێ دهێتە ساخکرن و تێدا رێکخراوا ساخلەمیا جیهانی ژمارەکا بەرنامەیێن هشیاریێ ل وەلاتێن جودا دکەت.

نەخۆشیا شەکرێ ئێک ژ نەخۆشیێن هەر ب مەترسی و بەربەلاڤە ل سەر ئاستێ جیهانێ، سالانە تووشبوویێن ڤێ نەخۆشیێ زێدە دبن و ئەڤ نەخۆشیە ئێک ژ ئەگەرێن سەرەکی یێن مرنا مرۆڤایە.

ل گۆرەی ئامارێن رێکخراوا ساخلەمیا جیهانی، پتری 422 ملیۆن کەسان ل جیهانێ نەخۆشیا شەکرێ هەیە و سالانە 1.5 ملیۆن کەس ژ ئەگەرێ وێ نەخۆشیێ ژیانا خۆ ژ دەست ددەن.

ئێکەتیا نێڤدەولەتی یا نەخۆشیا شەکرێ ل سالا 1991 هاتیە دانان و نەتەوەیێن ئێکگرتی ل سالا 2006 رۆژا 14ی چریا دوێ وەک رۆژا جیهانی یا نەخۆشیا شەکرێ دەستنیشان کریە.