مەلا عەدنان کۆچەر هاتە ئازادکرن و پەیامەک بەلاڤ کر
بەلاڤ بکە
گاڤ- تایبەت
پشتی گاڤ دوهی بەلاڤ کری کو ل سەر سکالایا داخوازکارێ گشتیێ دادگەها سێمێلێ و ب تۆمەتا خراب بکارئینانا ئنتەرنێتێ، مەلا عەدنان کۆچەر هاتیە گرتن، ئەڤرۆ هاتە ئازادکرن و پەیامەک بەلاڤ کر.
مەلا عەدنان کۆچەری د پێگەهێن خۆ یێن سۆشیال میدیایێ دا ڤیدیۆیەک بەلاڤ کریە و تێدا دبێژیت: ئەو ل سەر سکالا داواکارێ گشتی یێ سێمێلێ هاتبوو گرتن، لێ نوکە ئەو ئازادە و دێ ل سەر کارێ خۆ بەردەوام بیت.
ل دویڤ سکالایا داواکارێ گشتی یێ سێمێلێ دو تومەت بۆ مەلا عەدنانی هاتینە ئاراستەکرن. ئێک یا گرێدایی گرتەیەکا وی یا ڤیدیۆیی یە کو دیاردکەت ئەجنا ژ لەشێ مرۆڤی و ب تایبەت لەشێ ژنان دەردئێخیت، یا دویێ ژی گرێدایی بابەتەکێ یە کو هونەرمەندەکێ کوردستانێ دەرس داینە شێخەکێ مەزنێ جیهانا ئیسلامی.
گرتنا مەلا عەدنانی ل گۆرەی مادەیێ دو ژ یاسایا ژمارە 6 یا سالا 2008 بوو و سکالا پێر ل سەر هاتبوو تۆمارکرن.
