هه‌رێما كوردستانێ و ئه‌مريكا پێشڤه‌برنا په‌يوه‌نديان به‌حسكرن
بەلاڤ بکە
گاڤ نيوز
سه‌رۆكێ حكومه‌تا هه‌رێما كوردستانێ پێشڤه‌برنا په‌يوه‌نديان دناڤبه‌را هه‌رێما كوردستانێ و ئه‌مريكا دا ل گه‌ل باليۆزا ئه‌مريكا ل ئيراقێ گۆتوبێژ كرن.
مه‌سرور بارزانى سه‌رۆكێ حكومه‌تێ ئه‌ڤرۆ پێنجشه‌مبيێ ل باژێرێ دهۆكێ پێشوازى ل ئه‌لينا رۆمانۆڤسكى باليۆزا ئه‌مريكا ل ئيراقێ كر.
د راگه‌هاندنه‌كا سه‌رۆكاتيا جڤاتا وه‌زيران دا هاتيه؛ هه‌ردو لايه‌نان ره‌وشا گشتى ل ئيراقێ و پێشڤه‌برنا په‌يوه‌نديان دناڤبه‌را هه‌رێما كوردستانێ و ئه‌مريكا دا به‌حسكرن.
تێدا هاتيه ژى؛ هه‌ردو لايه‌ن د هه‌ڤڕا بوون كو نوكه ده‌رفه‌ته‌كا نوى بۆ چاره‌سه‌ركرنا كێشه‌يێن دناڤبه‌را هه‌رێما كوردستانێ و حكومه‌تا فيدرالى دا ب ئاوايه‌كێ بنه‌ره‌تى و ل سه‌ر بنياتێ ده‌ستوورى و كارنامه‌يا حكومه‌تا نوى يا ئيراقێ هاتيه پێش.
سه‌رۆكێ حكومه‌تا هه‌رێمێ ئاماژه ب وێ چه‌ندێ دا كو شانده‌كێ دانوستاندنكار يێ هه‌رێمێ يێ ئاماده‌يه بۆ دانوستاندنان ل سه‌ر كێشه‌يێن هه‌ولێر- به‌غدا و چاره‌سه‌ركرنا وان سه‌ره‌دانا به‌غدا بكه‌ت.
