گاڤ

ستێرا پۆرتۆگالی کریستیانۆ رۆنالدۆی راگەهاند، هەر دەما وی مۆندیال بۆ هەلبژارتیێ وەلاتێ خۆ ب دەستڤەئینا، ئەو دی ب ئێکجاری دەستان ژ تەپاپێ بەردەت.

کریستیانۆ رۆنالدۆ، یاریزانێ هەلبژارتیێ پۆرتۆگال د هەڤدیتنا خۆ یا تایبەت دا لگەل رۆژنامەڤانێ ئنگلیزی پیرس مۆرگان ئاشکراکر کو ئەگەر وی مۆندیالا ئەڤسالە ل گەل هەلبژارتیێ پۆرتۆگالێ دەستڤەئینا، ئەو دێ ب ئێکجاری دەستان ژ یاریا تەپاپی بەردەت.

هەلبژارتیێ پۆرتۆگال د گرۆپا هەشتێ دا دێ یاریێ ل گەل هەلبژارتیێن غانا، ئورۆگوای و کۆریا باشۆر کەت، شڤێدی ژی د دۆماهی بەرهەڤی دا بۆ جاما جیهانی، د یاریەکا هەڤالینی دا شیا ب چار گۆلێن بێ بەرانبەر ژ هەلبژارتیێ نەیجیریا ببەت.