ئيلۆن ماسك بڕياره‌كا نوى دا
بەلاڤ بکە
گاڤ نيوز
خۆدانێ نوى يێ كۆمپانيا تويته‌رى هه‌مى ئۆفيسێن كۆمپانيێ تا رۆژا دوشه‌مبيێ گرتن.
ل گۆره‌ى مالپه‌رێ Business Insider؛ ل سه‌ر فه‌رمانا ئيلۆن ماسك سه‌رۆكێ بجهئينانێ يێ نوى يێ تويته‌رى، كۆمپانيێ هه‌مى ئۆفيسێن خۆ تا رۆژا دوشه‌مبيێ گرتن و رێك ب فه‌رمانبه‌ران ناهێته دان بچنه دناڤ دا.
مالپه‌رى ديار ژى كريه؛ ئه‌گه‌رێ ڤێ بڕيارێ ئه‌وه كو ماسك ژ وێ چه‌ندێ دترسيت كو به‌ره‌لايى و نه‌رازيبوون دناڤ فه‌رمانبه‌ران دا په‌يدا ببن.
ئاشكرا ژى كريه؛ ب سه‌دان فه‌رمانبه‌رێن تويته‌رى نه‌رازيبوونا خۆ ب كاركرنێ ل گۆره‌ى مه‌رجێن نوى يێن ئيلۆن ماسكى ده‌ربڕينه.
ماسك ژ به‌رى نوكه ل سه‌ر فه‌رمانبه‌ران سه‌پاند بوو كو بۆ ده‌مێن درێژتر كار بكه‌ن و ب تنێ ل ئۆفيسێن تويته‌رى كار بكه‌ن و سيسته‌مێ كارێ ژ مال نه‌هێلا، هه‌روه‌سا ژ به‌رى هينگێ ژماره‌يا كارمه‌ندێن تويته‌رى كو 7500 كارمه‌ندن، ب رێژه‌يا 50% كێمكربوو.
ئيلۆن ماسك ل 27ى چريا ئێكێ يا بۆرى پشتى چه‌ندين هه‌يڤان ژ بگروڤه‌كێشێ هه‌ڤبه‌ستا كڕينا تويته‌رى ب 44 مليار دولاران ته‌مامكربوو.
