"بڕیارا ئێكخستنا بهایێ ده‌رمانان كه‌ڤتیه د وارێ بجهئینانێ دا"
بەلاڤ بکە
گاڤ
رێڤه‌به‌رێ گشتى یێ كوالتیا كۆنترۆلا ده‌رمانان ئاشكراكر، بڕیارا ئێكخستنا بهایێ ده‌رمانان ل ڤێ هه‌یڤێ ده‌ستپێكرى یه و كونترۆله‌كا باش ل سه‌ر بازارێ ده‌رمانان هاتیه كرن.
دکتۆر شێروان سادق، رێڤه‌به‌ێ گشتى یێ كوالیتیا كۆنترۆلى یا ده‌رمانان بۆ پێگه‌هێ فه‌رمى یێ حكومه‌تا هه‌رێمێ هویركاتیێن پرۆسه‌یا كونترۆلكرن و ئێكخستنا بهایێ ده‌رمانان دیاركرن.
رێڤه‌به‌ێ گشتى یێ كوالتیا كۆنترۆلى یا ده‌رمانان دا زانین، گاڤا ئێكێ ب ره‌نگه‌كێ بنه‌ره‌تى چاكسازى د كوالتیا كۆنترۆلا ده‌رمانان دا هاتیه‌كرن، هه‌مى ده‌رمانێن هاتینه د ناڤا هه‌رێمێ دا و كارگه‌هێن ده‌رمانان و پشكنینا وان چاڤدێرى لێهاتیه‌كرن.
دکتۆر شێروان سادقى گۆت ژى، ژ 21 ئادارا سالا بۆرى ئینانا ده‌رمانان ژ هه‌مى جهـ و ژێده‌ران هاتیه قه‌ده‌غه‌كرن و هه‌مى كارگه‌هێن ده‌رمانێن هه‌رێمێ ژێ دهێن، هاتینه تۆماركرن و هه‌ر ده‌رمانه‌كی بهێته دناڤ هه‌رێمێ د ماوه‌یێ 45 رۆژان دا دهێته پشكنین و ماوه‌یێ بكائینانێ پێ دهێته‌دان.
دیاركر ژى د نها دا ئینانا ده‌رمانان ب رێكێن قه‌چاخ گه‌له‌ك كێمبوویه و پێرابوونێن دژوار به‌رانبه‌ر هه‌ر كه‌س و ئالییه‌كى دهێنه وه‌رگرتن ده‌رمانێن قه‌چاخ بینیته د ناڤ بازارێن هه‌رێمێ دا.
