روونكرنه‌كا بله‌ز ژ حكومه‌تا هه‌رێما كوردستانێ

بەلاڤ بکە

گاڤ
حكومه‌تا هه‌رێما كوردستانێ د روونكرنه‌كێ دا ره‌تكر چه‌ك ب رێیا هه‌رێمێ ب قاچاخى بچیته‌ ئیرانێ و راگه‌هاند: ژماره‌كا مالپه‌رێن ئیرانى ئه‌ڤ نووچه‌یێ نه‌راست به‌لاڤكرینه‌.
د روونكرنا حكومه‌تێ دا هاتیه‌: چه‌ند مالپه‌ره‌كێن ئیرانى ل سه‌ر زارێ جۆن بۆلتۆن، كو نوكه‌ چ پۆستێن حكومى و فه‌رمى ل ئه‌مریكا نینن به‌لاڤكریه‌ كو ب رێیا هه‌رێما كوردستانێ چه‌ك ب قاچاخى دچیته‌ ئیرانێ.
حكومه‌تا هه‌رێمێ دیار كریه‌، سه‌روبنێن ڤان نووچه‌یان د بێ بنه‌مانه‌ و نه‌راستن و چه‌ندین جاره‌ ژى هه‌مان نووچه‌یێن نه‌راست دهێنه‌ به‌لاڤكرن.
د روونكرنا حكومه‌تا هه‌رێمێ دا هاتیه‌: ب چ ره‌نگان رێ نه‌هاتیه‌دان و ناهێته‌دان ئاساییشا وه‌لاتێن جیران ب رێیا هه‌رێما كوردستانێ بهێته‌ تێكدان و ئه‌ڤ جۆره‌ نووچه‌یه‌ دویرن ژ راستیێ.