پترى هزار كهسان ژ دهۆكێ بۆ مۆندیالێ چووینه قهتهرێ و خهرجیێن وان یێن سێ رۆژان پترى 2 ملیۆن دۆلارانه
گاڤ – تایبهت
پترى هزار كهسان ژ پارێزگهها دهۆكێ بۆ مۆندیالێ چووینه قهتهرێ و ههر كهسهك ژ وان بۆ خهرجیاتێن 3 رۆژان یێن چوون و هۆتێل و تكێتا یاریهكێ نێزیكى 2 هزار دۆلاران داینه.
كامان مهعسووم، خودانێ كۆمپانیا دیلۆكس یا فرۆكهڤانى بۆ گاڤ گۆت: ل دهۆكێ داخوازیهكا مهزن ل سهر چوونا پێش یاریێن مۆندیالێ ههبوو، لێ ژبهركو رێكار بۆ ئیراقێ گهلهك ب زهحمهت بوون، پترى هزار كهسان ب تنێ شیاینه ژ دهۆكێ بچنه قهتهرێ، كو تێچوویا هاتنوچوون و هۆتێل بۆ سێ رۆژان و كێمترین تكێتا یاریێ هزار و شهشسهد دۆلارن و پێشوهخت هاتینهدان و ل گهل خوارنێ ژى تێچوویا سێ رۆژان دبیته دو هزار دۆلار.
ل گۆرهى وان ئاماران خهرجیێن سێ رۆژان یێن وان هزار كهسێن ژ دهۆكێ چووینه قهتهر ب گشتى دبنه، 2 ملیۆن دۆلار.
خودانێ كۆمپانیا دیلۆكس بۆ گاڤ دبێژیت: كهس ههبووینه ل دهۆكێ كو پلێتێن VIP یێن پێش یاریان بڕینه و تێچوویا گهشتێن ههر ئێك ژ وان نێزیكى 15 هزار دۆلاران بووینه.