گاڤ

چاڤێ جیهانێ هه‌میێ ل قه‌ته‌رێ یه‌ و ئه‌ڤرۆ ئاهه‌نگێن مۆندیالا 2022ێ دێ ل وى وه‌لاتى ده‌ستپێكه‌ن و یاریه‌ك ژى دێ هێته‌كرن.

ئێكه‌تیا ته‌پاپێ یا نێڤدوله‌تى هویركاریێن رێوره‌سمێن مۆندیالێ به‌لاڤكرینه‌ و راگه‌هاندیه‌، ئه‌ڤرۆ ده‌مژمێر 5 ب ده‌ما هه‌رێما كوردستانێ، ئاهه‌نگا مه‌زن ل یاریگه‌ها ئه‌لبه‌یت دێ ده‌ستپێكه‌ت و 30 خۆله‌كان دێ به‌رده‌وام بیت، پاشى یاریا ڤه‌كرنێ دێ ل ده‌مژمێر 7 دێ دناڤبه‌را قه‌ته‌ر و ئكوادۆر دا هێته‌كرن.

ل گۆرى فیفایێ، ستراتبێژێ قه‌ته‌رى فه‌هد ئه‌لكوبه‌یسى و سترانبێژێ كۆریا باشۆر یۆنگكۆك دێ سترانه‌كێ بێژن.

ئاهه‌نگا ئه‌ڤرۆ یا مۆندیالێ ژ حه‌فت برگان پێك دهێت كو دێ ژ ئالیێ هونه‌رمه‌ندێن جیهانێ ڤه‌ هێنه‌ گێڕان، تێكه‌له‌ك ژ كلتۆرێ قه‌ته‌رى و كلتۆرێ جیهانێ دێ هێته‌ نیشاندان، هه‌ڤده‌م غانم ئه‌لموفتاح، بالیۆزێ مۆندیالێ و دانا قه‌ته‌رى كو هونه‌رمه‌نده‌كا قه‌ته‌رى یه‌ دێ ئاماده‌ بن.