كى بهرسڤا (تركیا) بدهت..!؟
ژ راستى تركیا ههمى پیڤهرهك بهرامبهر نهیارێن سیاسیێن خوه بهزاند و نهما هێدى بوو دهولهتهك وهك تركیا ماقیل بیت بڤێ هۆڤاتیێ ڤى شهرێ بێ بهرامبهر بۆ ههتا ههتا ب دومینیت.
سهرئهنجام پرسا كوردان ل تریكا پرسا نهتهوهیهكێ یه كو ب ئینكارێ رازى نابیت و پهكهكه بتنێ ل ڤێ قوناغێ ئامرازهكه بو ئێك ئارمانج.،ب كارئینانا شیانێن دوەمین هێزا ناتۆ ب نهبهرامبهرى، بهرامبهرى بزاڤهكا پارتیزانیا چهكدار ب درێژیا پتر (چل) سالان كا چهوا بو پهكهكێ جهێ پرسیارێ یه تا نوكه چ ئارمانجهك نه پێكاى ههمان پرسیار بۆ تركیایه ژى، دڤى شهرێ درێژێ ب قرێژ وهك دهولهتهك ئهنداما ناتۆ چ قازانج كریه؟ تركیا هێرشێ سهر باشۆرێ كوردستانێ دكهتن و رهش ب كوژیهكا بێ وێنه گیانێ مرۆڤان بهرپاكریه، لبن چاڤدێریا ئهمریكا ل كوردستانا سوریا ژى ههڤپهیمانێن ئهمریكا رۆژا نیڤرو قهتل و عام دكهتن.
تركیا وهلاتهكێ وهكێ سوێدێ مرۆڤدوست نهچار دكهتن دژى بزاڤێن پهكهكێ ههتا یێن سڤیل ژى ب دژوارى ب راوهستیت.دبن كهڤا (ڤیتۆ)یا ناتویێ، دهمێ هندێ یه بهرسڤا ڤێ رەشهكۆژیێ بهێتهدان ئهگهر ب دیالوگ بیت یان ب وى چهكى بیت یێ نهیار(پێ بێشن) و ئازاران ژێ وهربگرن، بۆ پهكهكێ ژى دڤیا دڤان چل سالاندا ئهوه رون بیت شهرێ چهكدارى و پارتى زانى ڤى سهردهمى و ڤێ تهكنۆلۆژیا زێده نابێژم قیمهت نهمایه، لێ مسوگەر وهك شۆرهشا (كوبا و ڤێتنامێ) كاریگهر نابیت، ب لبهر چاڤوەرگرتنا شیانێن نوكه ێن سهربازى،ئارمانجا پهكهكێ دبیت پێتڤى ب گوهورینێ نهبیت، ههرچ تشتێ وان باوهرى پێههى مافێ وانه، لێ ژ راستى ئالاڤ و رێكێن گههشتنێ پێتڤى ب پێداچوونێ یه.تركیا زمانێ دیالوگێ جارێ هندى بۆ بچیته سهرى ناپهژرینیت،ههتا ئەڤ شهرێ بڤى شێوهى دخزمهتا بارونێن شهری دایه ل تركیا و ئەڤ تهكتیكه پیتڤى پێداچوونێ یه یان تركا نهچارى دیالوگێ بكهتن، یان بیر ل گۆتنهكا سهروك بارزانى بكهن دهما گۆتى (ئهگهر بریار بیت كورد نه ئارام بن، بلا كهس خهونێ ب ئارامیێ ڤه نه بینن) ئانكو نه بهر ئاقله مێتروپۆلێن تركیا قیبلهیا جیهانا گهشت و گوازێ بن و كوردستان ژى كاڤل بیت.رویدانا ستانبولێ دیاره سیناریۆیهكا دهولهتا كویره و ئهگهر پهكهكێ ئهڤ رێبازه گرتبا بهر، رهنگه رهوش بڤى رهنگى نهدبوو،لێ پهكهكێ ئینكار كر و ئهز باوهرم ژى ئهڤه كارێ سیخۆریێ یە بۆ هندهك ئارمانجێن هەنوکەیی، سهربهردانا تركیا بڤى رهنگى ههر تشتێ بڤێت بكهتن، لبهر چاڤێ ئهمریكا و رووسیا كو ل باشور و رۆژئاڤا دوستێن كوردانن، براستى ئهڤه پرسیاره، كی بهرسڤا تركیا بدهتن؟
كوردستانا عێراقێ ژ ئهنجامێ چهندین هوكارا یێن سیاسى و دبلۆماسى و بگره دهستورى ژى شیانا راگههاندنا جهنگێ دژى تركیا نینه، لێ ئانكویا وێ ئهو نینه كورد هنده لاوازن ئهڤ رهشكوژیه بهردهوام بیت، بۆ كوردێن باكور و پهكهكێ جهێ پرسیارێ یه مهیدانا باكور و ههمى تركیا ئارام و ئاڤهدان و دیموكراسى و گهشت وگوزار و بههشتا داگیركهران بیت و شهرێ مهزن ل پارێزگهها دهوكێ و حهسهكێ بیت.توهمهت بهستن ئاسانه و ههر رۆژ ب ئاوایهكێ بۆ هێزێن باشور ههمى رهنگێ توهمهتا درست دكهن كو پتر خزمهتا داگیركهران دكهن.
هێزا كوردستانێ راسته شیانا شهرێ بهرامبهر و شیانا جهنگێ نینه، لێ قهت نابنه ئاستهنگ ژى وهختا باكور و ههمى تركیا بیته ئاگر بۆ داگیركهران، نهك بتنێ ل دهۆك و حهسهكێ، بهرسڤا ڤێ رهشهکۆژیا تركیا دڤێت پهكهكه ب وى ئاواىی بدهتن یێ ترك ژێ دترسن. پهكهكه هیچ تشتهكێ خۆسارهت نابیت و ههتا ژ ناسناڤێ تیرورێ ژى ڤیت نهترسیت، چونكه ههر چ بكهتن دلیستا تیرورێ دایه ما زێدهتر دێ چ بێژن؟ لێ دڤیا ژ بیر نهكهین.(فلستینى) و ( شین فێن )یا ئیرلهندى و (بهرهیا شۆرهشگیرا ئهریتریى) و گهلهكێن دى ژى ههتا (پارتى و ئێكهتى) ژى دلیستا تیرورێ دابوون و ب (تیرۆرا خوه)وهك ئهو دبێژن نهیار نهچارى دیالوگ و تنازلێن مهزن كرن، جهرگ بره ئهف كوشتنا بێ سنۆرا رۆژانه یا شیان و باسێن كوردنا.