زانايێن نۆشدارى چاره‌سه‌ريه‌كا نوى بۆ نەخۆشیەکێ ئاشكرا دكه‌ن
بەلاڤ بکە
گاڤ
زانايێن نوشدارى ده‌رمانه‌كێ نوى بۆ چاره‌سه‌ركرنا هه‌ودانا ميزلدانان ئاشكرا كرن كو ب چاره‌سه‌ريه‌كا نوى و گرنگ بۆ نه‌خۆشيێ دهێته هژمارتن.
ئاژانسان به‌لاڤكرينه؛ زانايێن كۆمپانيا Locus Biosciences ده‌رمانه‌كێ نوى تێست دكه‌ن كو كار ل سه‌ر گوهۆرينا جينان بۆ چاره‌سه‌ركرنا هه‌ودانا ميزلدانان يا ب ئێش و به‌رده‌وام دكه‌ن.
ديار ژى كرينه؛ چاره‌سه‌ريا نوى پشتبه‌ستنێ ل سه‌ر رێكا قه‌سته‌رێ بۆ گه‌هاندنا ده‌رمانى ب ئێكسه‌ر بۆ ميزلدانان دكه‌ت دا كو ده‌رمان هێرشى DNA يا به‌كتريايا دبيته ئه‌گه‌رێ نه‌خۆشيێ بكه‌ت و ژناڤببه‌ت.
زانا د وێ باوه‌ريێ دانه كو ئه‌ڤ رێكه باشتره ژ بكارئينانا دژه‌زينده‌ييان Antibiotics كو ئه‌و به‌كتريا ب له‌ز به‌رهنگاريا وان دكه‌ت.
ده‌رمانێ نوى پشتبه‌ستنێ ل سه‌ر ته‌كنيكا ئه‌ندازياريا بۆماوه‌يى يا ب ناڤێ CRISPR يا كو خه‌لاتێ نوبل بده‌ستڤه‌ئيناى دكه‌ت.
ل گۆره‌ى رۆژنامه‌يا ده‌يلى مه‌يل؛ هه‌ودانا ميزلدانان ئێك ژ نه‌خۆشيێن به‌ربه‌لاڤه ل بريتانيا كو سالانه پتر ژ مليۆن كه‌سان تووش دبنێ.
چاره‌سه‌ريا نوى ل ئيلۆنا بۆرى بۆ ئێكه‌م جار ل سه‌ر تووشبوويه‌كێ نه‌خۆشيێ ل ئه‌مريكا هاتبوو تێستكرن و پاشى ل سه‌ر 8 كه‌سێن دى ژى هاتيه تێستكرن و دهێته چاڤه‌رێكرن ل ده‌ستپێكا سالا بهێت ئه‌نجامێن لێكۆلينێ ب فه‌رمى بهێنه به‌لاڤكرن.
