گاڤ

ئەڤرۆ سپێدێ بیڤەلەرزەکا ب هێزا 5.9 پلەیێن رێختەر ل دەڤەرێن باکۆرێ رۆژئاڤایێ تورکیا دا و ب دەهان کەس بریندار بووینە.

فەخرەددین کۆجا، وەزیرێ ساخلەمیا تورکیا ئەڤرۆ د تویتەکێ دا راگەهاند، بیڤەلەرز ب هێز 5.9 پلەیێن رێختەر بوو ل ناڤەندا باژێرێ گۆلیاکا ل پارێزگەها دوزجە دایە و ب کووراتیا 10.6 کیلۆمەتران بوویە و خەلکێ ستەنبۆل و ئەنقەرە ژی هەست پێ کریە.

هەروەسا دیار کر، ژ ئەگەرێ بیڤەلەرزێ 32 کەس ل دوزجە بریندار بووینە و سێ کەس ژی ل ستەنبۆلێ بریندار بووینە و رەوشا ساخلەمیا ئێک ژ وان برینداران یا باش نینە.