گاڤ

دادگەها فیدرال یا ئیراقێ ئەڤرۆ یاسایا ئێکگرتی یا خانەنشینان یا سالا 2006 هەلوەشاند و حکومەتا هەرێمێ نەچار کر کار ب یاسایا نوی یا سالا 2014 بکەت.

حکومەتا هەرێما کوردستانێ تانوکە کار ب یاسایا 27 یا سالا 2006 یا خانەنشینان دکەت، دادگەها فیدرال یا ئیراقێ ئەڤرۆ ل سەر سکالایەکێ دەربارەی وێ یاسایێ کۆمبوو و بریاردا یاسایا سالا 2006 نەمینیت و حکومەتا هەرێمێ کار ب یاسایا ژمارە 9 یا سالا 2014 بکەت.

دەربارەی ڤێ بریارێ عەلی حەمە سالح، ئەندامێ پەرلەمانێ کوردستانێ راگەهاند؛ ئەگەر ئەڤ بریارە کەفتە د وارێ بجهئینانێ دا مووچەیێ هەمی خانەنشینێن هەرێما کوردستانێ دێ بلند بیت، ژ بەرکو ل گۆرەی یاسایا 2014، کێمترین مووچەیێ خانەنشینان نابیت ژ 500 هزار دیناران کێمتر بیت.