دادگه‌ها بلند يا بريتانيا بڕياره‌ك ل دۆر ريفراندۆمه‌كا نوى يا سكۆتله‌ندا دا
11/23/2022 - 19:37
بەلاڤ بکە
گاڤ نيوز
دادگه‌ها بلند يا بريتانيا داخوازيا سكۆتله‌ندا بۆ ئه‌نجامدانا ريفراندۆمه‌كا نوى بۆ جودابوونێ ژ بريتانيا ره‌تكر.
ئاژانسان به‌لاڤكرينه؛ دادگه‌ها بلند يا بريتانيا ئه‌ڤرۆ چارشه‌مبيێ ره‌تكر كو مافێ ئه‌نجامدانا ريفراندۆما دوێ بۆ سه‌ربخۆييا سكۆتله‌ندا بێى رازيبوونا په‌رله‌مانێ بريتانيا بده‌ته وى وه‌لاتى.
ديار ژى كرينه؛ ئه‌گه‌ر داخوازيا سكۆتله‌ندا هاتبا په‌سه‌ندكرن، دا ل 19/10/2023 ريفراندۆما سكۆتله‌نديان بۆ جودابوونێ ژ بريتانيا برێڤه‌چيت.
ل سالا 2014 سكۆتله‌ندا بۆ جارا ئێكێ ريفراندۆمه‌ك بۆ جودابوونێ ژ بريتانيا رێكخستبوو و تێدا 55% ژ خه‌لكێ سكۆتله‌ندا ل دژى جودابوونێ ژ بريتانيا بوون و ده‌نگ ب نه‌خێر دابوون.
