دێ چەوا باوەری بۆ وەلاتیان ب سیستەمێ غازێ پەیدابیت؟
بەلاڤ بکە
محەمەد سەعید شەهی
بازرگان وكۆمپانیێن ڤی سيستەمی و خودانێن بەرژەوەنديا كاری وخودانێن ملكی مفادارن، خه لكێ جيران و خه لكێ رێبار وئاكنجیێن كرێدار بۆچی ببنه قوربانیێن بەرژەوەنديا وان؟ ! . دەمێ جيرانێ تەيێ خودان ملك و خودانێ بەرژەوەنديا كاری رێزى لته نەگرن چاره چيه؟
هەوارا خو دێ گەهينيه كێ ؟! كيش دەزگايێ حكومەتێ بەرپسياره؟ ئێكسەر دێ هزرا بەرگريا شارستانی كەی.
به رگريا شارستانی دبێژيت نەبتنێ ئەز بەرپسيارم، لژنەك هەيه ئەز ژی ئەندامەكم ژ وێ لژنێ، دەمێ پسيارا ئەندامێن لژنێ دكەی هەر ئێك تايبەتمەنديا خۆ دياردكەت كو چ بدەستێ وان نينه، جارەكا دی دێ ڤەگەريه بەرگريا شارستانی كو ئەندامێ تايبەتمەنده ل ڤان جوره پرسا، جارەكا دی د بێژيت هندەك رێنما هەنه، رێكارهەنه ئەم رێكێ د دەينێ، ئه رێ ئەگەر ته رێك دايێ دێ لسەر راوستى لدەمێ دانانا سيستەمی ؟! ئەرێ دێ لبەر كاميرا تێلەڤزيونێ ئاخڤی كو باوەريێ بۆ خەلکی و جيرانا پەيداكەی كو سيستەم يێ ب سلامەته؟
دبێژيت ئەگەر نەيا ب سلامەت با من رێك نەدايێ، باشه بۆچی لبەر كاميرا تێلەڤزيونێ ديارناكەی كو يێ بسلامەته؟!
ئەرێ پشتی رێكێ ددەيێ كی دێ چاڤدێریێ وديڤچوون و پشكنينێ بۆ دكەت؟! دەمێ رويدان چێدبيت ئەرێ كی دێ قەرەبوويا زیان ڤێ کەفتیان كەت ؟! دەمێ ملك و مال دهێنە وێرانكرن، ( ئەگەر بهێنه قەرەبووكرن ئحتيمالەكا زور يا كێمه) ، ئەرێ قەرەبوويا روح و گيانا وعەزيزێن بەردلێ دايک و بابان و كەس و كارا دێ چەوا هێته قەرەبووكرن ؟!
لڤێرێ دڤێت بەرپرسیارەتی د رویدانێ دا و د قەرەبووکرنێ دا هەبیت، دڤێت ئالیەک هەبیت ب قانوون بەرپرسیار بیت و ب قانوون خەلکێ زیان ڤێ کەفتی قەرەبوو بکەت. نابیت کەسەک خودان فایدە بیت و ل دەمێ زیان ڤێ کەفتنێ ژی خۆ ڤەدزیت. ئەگەر ئەڤە بزانیت کو دێ قەرەبوو ل سەر هەبیت یان دێ سزایێ وێ گران بیت، دێ دەستان ژ ڤی کاری بەردەی یان دێ ب هشیاری و بەرپرسیارانە کارێ خۆ کەت و بەردەوام پشکنینان و دیڤچوونێ ل سەر کەت داکو نەکەڤیتە بەر چ سزایان و قەرەبوویان، ب ڤی رەنگی دێ سیستەمێن کاری سەرگرن و دێ پێشکەڤن، ب ڤی رەنگی دێ باوەری بۆ وەلاتیان پەیدا بیت.
