گاڤ

سەندیکا مامۆستایان ل تورکیا راپۆرتەک ل دۆر رەوشا مامۆستایان بەلاڤ کر و تێدا هاتیە کو ٪83 یا مامۆستایان د بن هێلا هەژاریێ دا دژین و نەشێن کرێیێن خانیێن خۆ بدەن.

د رۆژا مامۆستایان دا ل تورکیا، سەندیکا مامۆستایان ئامارێن هزار مامۆستایان وەرگرتینە کو ٪83 یا وان د بن هێلا هەژاریێ دا دژین و ب زەحمەت کرێیا خانیێن خۆ ددەن، ژ ٪75 یا مامۆستایان نەشێن گەشتان بکەن و بێهنڤەدانێن خۆ ل مال یان ل گوندێن خۆ دبۆرینن.

راپۆرتێ ئاشکرا ژی کریە کو ٪38 یا فەرمانبەرێن پەروەردێ ب چ رەنگان بێهنڤەدانان وەرناگرن، ٪57 ژی دشێن سالێ جارەکێ بێهنڤەدانان وەربگرن و بتنێ ٪4 یا کارمەندان دشێن د سالەکێ دا پتر ژ جارەکێ بێهنڤەدانان وەربگرن. 

د راپۆرتێ دا هاتیە ژی، بتنێ ٪2 یا کارمەندێن پەروەردێ وەسا دبینن کو گەهشتینە خەونێن خۆ و نێزیکی ٪99 یا کارمەندان ژی گۆتیە کو بهایێ پیشەیا مامۆستانان داکەفتیە.