ئه‌مريكا: ئيراق ئێك ژ خرابترين 21 وه‌لاتايه‌ بۆ گه‌شتكرنێ د سالا 2022ێ دا

بەلاڤ بکە

گاڤ نيوز

سيسته‌مێ راوێژكارى يێ گه‌شتكرنێ يێ گرێداى وه‌زاره‌تا ده‌رڤه‌ يا ئه‌مريكا، ئيراق ب ئێك ژ خرابترين 21 وه‌لاتان ل جيهانێ بۆ گه‌شتكرنێ د سالا 2022ێ دا هژمارت.
ل گۆره‌ى راپۆرته‌كا مالپه‌رێ World Population يێ ئه‌مريكى؛ ل دويڤ رێزبه‌نديا سيسته‌مێ راوێژكارى يێ گه‌شتكرنێ يێ گرێداى وه‌زاره‌تا ده‌رڤه‌ يا ئه‌مريكا، ئيراق ئێك ژ خرابترين 21 وه‌لاتايه‌ ل جيهانێ بۆ گه‌شتكرنێ بۆ وان وه‌لاتان د سالا 2022ێ دا و د پۆلينكرنا چارێ دا ب ده‌سته‌واژه‌يا ’گه‌شتێ بۆ نه‌كه‌’ دهێت.
ل دۆر ئه‌گه‌رێن پۆلينكرنا ئيراقێ دناڤ وان وه‌لاتان دا ديار كريه‌؛ ژ به‌ر تاوانان، تيرۆرێ و ئالۆزيێن د خۆنيشاندانان دا هه‌روه‌سا مه‌ترسيێن توندوتيژيێ ل دژى وه‌لاتيێن ئه‌مريكى يان ره‌ڤاندنا وان، ئيراق د رێزبه‌نديێ دا هاتيه‌.
ديار ژى كريه‌؛ ئه‌و 21 وه‌لاته‌ ژ ئه‌فغانستان، بيلارۆسيا، بۆركينا فاسۆ، كۆمارا ئه‌فريقيا ناڤين، هايتى، ئيران، ئيراق، ليبيا، مالى، مه‌كسيك، ميانمار، كوريا باكۆر، فله‌ستين، رۆسيا، سۆمال، باشۆرێ سودانێ، سودان، سووريا، ئۆكراينا، فه‌نزوێلا و يه‌مه‌ن پێكدهێن.
 

زێدەتر دەربارەی