بلينكن بۆ دهستههلاتا ئيرانێ: سهركۆتكرنا خۆنيشاندانان و توندوتيژيا ل دژى ژنان براوهستينن
گاڤ نيوز
وهزيرێ دهرڤه يێ ئهمريكا راگههاند كو ئهمريكا دێ بهردهوام پشتهڤانيا گهلێ ئيرانێ ل دژى سهركۆتكرنا خۆنيشاندانان ژ لايێ دهستههلاتێن ئيرانێ ڤه كهت و داخوازا راگرتنا توندوتيژيێ ل دژى خۆنيشاندهران و ژنان ژ دهستههلاتێن ئيرانێ كر.
ئهنتۆنى بلينكن د بهيانهكێ دا ئهڤرۆ پێنجشهمبيێ داخواز ژ دهستههلاتێن ئيرانێ كر كو سهركۆتكرنا خۆنيشاندانان و توندوتيژيا ل دژى كچ و ژنان ب دويماهيك بئينن و راگههاند؛ ئهمريكا دێ كار ل سهر دويرئێخستنا ئيرانێ ژ لژنهيا نهتهوهيێن ئێكگرتى يا گرێداى مافێن ژنێ كهت.
د بهيانێ دا هاتيه ژى؛ ب هزاران خهلكێ ئيرانێ نهرازيبوونا خۆ ل دۆر كريارێن سهركۆتكرنێ و توندوتيژيێ يێن دهستههلاتا ئيرانێ پشتى وهغهركرنا ژينا ئهمينى پشتى دهستهسهركرنا وێ ژ لايێ پۆليسێن ئهخلاقى ڤه دهربڕينه.
بلينكن ئاشكرا ژى كر؛ لژنهيهكا دويڤچوونا راستيان ئهڤرۆ بۆ دهستنيشانكرنا وان ئهندامێن هێزێن ئهمنى يێن توندوتيژى ل دژى خۆنيشاندهران ئهنجامداين، هاته پێكئينان.
دوهى چارشهمبيێ ژى، وهزارهتا گهنجينهيێ يا ئهمريكا سزا ل سهر سێ بهرپرسێن ئيرانى ژ بهر بنپێكرنا مافێن مرۆڤى سهپاند بوو.
ههر ژ دهمێ گيانژدهستدانا ژينا ئهمينى يا 22 سالى ل 16ى ئيلۆنا بۆرى پشتى سێ رۆژان ژ دهستهسهركرنا وێ ژ لايێ پۆليسان ڤه ژ بهر لبهرنهكرنا حيجابێ، بۆ دهمێ پتر ژ دو ههيڤايه خۆنيشاندانێن بهرفرههـ سهرانسهرى ئيرانێ ڤهگرتينه.
ل گۆرهى دويماهيك ئامارا رێكخراوا مافێن مرۆڤى يا ئيرانى ل ئوسلۆ، 416 كهس د خۆنيشاندانان دا ل سهر دهستێ هێزێن ئهمنى هاتينه كۆشتن كو 51 ژ وان زارۆكن و 21 ژنن.