ئێک ژ بریندارێن دی یێن رویدانا پەقینا دهۆکێ وەغەر کر

بەلاڤ بکە

گاڤ – تایبەت

ئێک ژ بریندارێن دی یێن رویدانا پەقینا تانکێ غازێ یا دهۆکێ وەغەر کر کو گەنجەکێ دەرچوویێ زانکۆیا دهۆکێ بوو.

نێچیرڤان عەبدولعەزیز، دەرچوویێ پشکا جوگرافیێ ل کولیژا زانستێن مرۆڤایەتی یا زانکۆیا دهۆک بوو. نێچیرڤان بەرپرسێ ئێک ژ پشکێن کۆمپانیا غازا مزگین بوو.

نێچیرڤان پشتی د رویدانا پەقینا تانکێ غازێ دا بریندار بووی، بۆ نەخۆشخانەیەکا باژێڕێ عەنتابێ ل تورکیا هاتبوو ڤەگوهاستن، لێ ئەڤرۆ ژبەر گرانیا برینێن وی، ژیانا خۆ ژ دەست دا.

بەری رویدانا پەقینا تانکێ غازێ ل تاخێ گرێ باسێ ل دهۆکێ، کۆمپانیا غازێ پەیوەندی ب نێچیرڤانی کربوو و گۆتبوویێ: ل ئێک ژ ئاڤاهیێن وان سیستەمێ غازێ لێ دانای، غاز ژبەر دچیت.

نێچیرڤان ل وی دەمی ل مالا ئێک ژ هەڤالێن خۆ ل پێش یاریەکا جاما جیهانی بوو، لێ مالا هەڤالێ خۆ بجهـ هێلایە و چوویە داکو وێ لێچوونا غازێ چارە بکەت.

نێچیرڤان گەهشتیە ئاڤاهی، لێ ل دەما ل دەرەجان ب سەر دکەفت، پەقین چێبوویە و ب رێژەیا 95٪ سۆتیە و ئەڤرۆ ل تورکیا وەغەر کر.

زێدەتر دەربارەی