گاڤ

سوپایێ پاسدارێن ئیرانێ هنارتنا هێزێ بۆ سەر سنۆرێن هەرێما کوردستانێ راگەهاند و فەرماندارێ هێزێن زەمینی یێ سوپایێ پاسدارێن ئیرانێ دیار کر: ئەو دێ ب توندی بەرهنگاری ئەگەرێن تێکچوونا ئاساییشا دەڤەرێ بن.
محەمەد باکپۆر، فەرماندارێ هێزێن زەمینی یێن سوپایێ پاسدارێن ئیرانێ راگەهاند: یەکەیا گولـلەنەبڕ و هێزێن تایبەت دێ ل دەڤەرێن سنۆری یێن رۆژئاڤا و باکۆرێ رۆژئاڤایێ ئیرانێ هێنە بەلاڤکرن.

هەروەسا دیار کر: لڤینا هندەک گرۆپێن جوداخواز یێن دژی ئیرانێ و نەبوونا پێدڤی ل هندەک دەڤەرێن سنۆری بوویە ئەگەرێ تێکچوونا ئاساییشێ، لەورا ئەو دێ ب توندی بەرهنگاری ئەگەرێن تێکچوونا ئاساییشا دەڤەرێ بن.