نێچیرڤان بارزانى و سه‌رۆكێ هه‌ڤپه‌یمانیا عه‌زم به‌حسا چ كر؟

بەلاڤ بکە

گاڤ

سه‌رۆكێ هه‌رێما كوردستانێ ل گه‌ل سه‌رۆكێ هه‌ڤپه‌یمانیا عه‌زم كۆمبوو، سه‌رۆكاتیا هه‌رێمێ ژى دبێژیت: هه‌ردو ئالیان دوپاتى ل پێدڤى و گرنگیا هاریكارى و هه‌ڤپشكیا هێز و ئالیێن ئیراقى كریه‌.

ئه‌ڤرۆ سپێدێ نێچیرڤان بارزانى، سه‌ره‌دانا به‌غدایێ كر و دهێته‌ چاڤه‌ڕێكرن هه‌ژماره‌كا كۆمبوونان ل گه‌ل سه‌ركرده‌ و هێز و ئالیێن سیاسى یێن ئیراقى بكه‌ت.

سه‌رۆكاتیا هه‌رێما كوردستانێ راگه‌هاند، ئه‌ڤرۆ ئێك شه‌مبێ 27-11-2022ێ نێچیرڤان بارزانى، سه‌رۆكێ هه‌رێما كوردستانێ ل گه‌ل موسه‌نا سامه‌ڕائى، سه‌رۆكێ هه‌ڤپه‌یمانیا عه‌زم كۆمبوو. د كۆمبوونێ دا دوماهى پێشهاتێن سیاسى و ئێمناهى یێن ئیراقێ به‌حسكرن و دوپاتى ل پێدڤی و گرنگیا هاریكاریا هه‌ڤپشك یا هێز و ئالیێن ئیراقى بۆ ده‌ربازبوون ژ سه‌ختیان كر و پشته‌ڤانیا حكومه‌تا نوى بۆ سه‌رخستنا كارنامه‌یا وێ هاته‌كرن.

نێچیرڤان بارزانى ل 22ى ڤێ مه‌هێ سه‌را به‌غدایێ دابوو و هه‌ژماره‌كا كۆمبوونان كربوون، لێ ب ئه‌گه‌را په‌قینا دهۆكێ سه‌رۆكێ هه‌رێما كوردستانێ دوماهى ب سه‌ره‌دانا خۆ ئینابوو و هه‌ر زوى ڤه‌گه‌ڕیا هه‌رێما كوردستانێ و ل پارێزگه‌ها دهۆكێ پشكدارى د به‌هیا قوربانیێن په‌قینا دهۆكێ دا كر.

هه‌ر ئه‌ڤرۆ نێچیرڤان بارزانى دێ ل گه‌ل عه‌مار حه‌كیم، سه‌رۆكێ رەو‌تا حیكمه‌، عادل عه‌بدولمه‌هدى، سه‌رۆكوه‌زیرێن پێشتر یێن ئیراقێ، ئه‌بو كه‌رار، سه‌رۆكێ مه‌كته‌با سیاسى یا نه‌هجا نشتیمانى و ره‌وتا سه‌درى كۆمبیت.

 

 

 

زێدەتر دەربارەی