ماسك هه‌ڤڕكيا ئه‌پل و گووگلى دكه‌ت
بەلاڤ بکە
گاڤ
خۆدانێ نوى يێ تۆرا تويته‌رى هوشداريه‌ك دا هه‌ردۆ كۆمپانيێن ئه‌پل و گووگل ئه‌گه‌ر وان كۆمپانيان ئه‌پليكه‌شنێ تويته‌رى د موبايلێن خۆ دا لادان.
ئيلۆن ماسك د تويته‌كێ دا راگه‌هاند؛ ئه‌ز دێ موبايله‌كا نوى دروست كه‌م ئه‌گه‌ر گووگل و ئه‌پل ئه‌پليكه‌يشنێ تويته‌رى لابده‌ن.
گۆت ژى "هيڤى دكه‌م بابه‌ت نه‌گه‌هيته ڤى رادده‌ى، لێ ئه‌گه‌ر پێدڤى كر دێ ڤێ بڕيار ده‌م".
د حه‌فتيا بۆرى دا، تۆرا تويته‌رى پشتى راوه‌رگرتنه‌كێ بڕيارا ڤه‌گه‌ڕاندنا ئه‌كاونتێن ب هزاران كه‌سان دابوو يێن كو ئه‌كاونتێن وان د ده‌مێ بۆرى دا هاتينه راگرتن.
ئيلۆن ماسك ل 27ى چريا ئێكێ يا بۆرى پشتى چه‌ندين هه‌يڤان ژ بگروڤه‌كێشێ هه‌ڤبه‌ستا كڕينا تۆرا تويته‌رى ب بهايێ 44 مليار دولاران ته‌مامكربوو و ببوو خۆدانێ نوى و سه‌رۆكێ بجهئينانێ يێ كۆمپانيا تويته‌رى.
هه‌ر ژ ده‌مێ ئيلۆن ماسك تۆرا تويته‌رى كڕى، وى ژماره‌يه‌كا به‌رپرسێن تۆرێ زێده‌بارى 50% يا فه‌رمانبه‌رێن كۆمپانيێ ژ كارى لاداينه.
