گاڤ

سەرۆکێ حکومەتا هەرێما کوردستانێ ئەڤرۆ پێشوازی ل شاندەکێ بلند یێ ژوورا بازرگانیا کلدانی ئەمریکی و سازیا جڤاکا کلدانی ب سەرۆکاتیا مارتن مەننا کر.

ل گۆرەی بەیانەکا حکومەتا هەرێما کوردستانێ، سەرۆکێ ژوورا بازرگانیا کلدانی ئەمریکی و جڤاکا کلدانی بەرهەڤیا خۆ بۆ پشکداریکرنێ د پرۆسەیا ئاڤەدانکرن وگەشەپێدانا کوردستانێ نیشان دا.

ژ ئالیێ خۆڤە ژی مەسروور بارزانی، سەرۆکێ حکومەتا هەرێما کوردستانێ ئاماژە ب وێ یەکێ کر کو هەرێما کوردستانێ نشتیمانێ هەمی پێکهاتەیێن نەتەوەیی و ئاینیێن جودایە و پشتەڤانیا حکومەتێ ژی بۆ داخوازیێن کریستیانان و پێکهاتەیێن جودا یێن دەشتا نەینەوا و دەڤەرێن کوردستانی یێن دەرڤەیی ئیدارەیا هەرێمێ دوپات کر.