گاڤ نيوز

ويلايه‌تێن ئێكگرتى يێن ئه‌مريكى ئه‌ڤرۆ دوشه‌مبيێ داخوازيه‌ك ژ حوسييان ل يه‌مه‌نێ كر.
د به‌يانه‌كا وه‌زاره‌تا ده‌رڤه‌ يا ئه‌مريكا دا هاتيه‌؛ تيم لينده‌ركينگ هنارتيێ ئه‌مريكا يێ تايبه‌ت د ڤێ حه‌فتيێ دا دێ به‌ره‌ڤ عومانێ و سعووديه‌ ژ بۆ پشته‌ڤانيا بزاڤێن ئاشتيێ چيت.
د به‌يانێ دا هاتيه‌ ژى؛ د ڤێ قووناغا هه‌ستيار دا، ئه‌م بيرا حوسييان دئينن كو خه‌لكێ يه‌مه‌نێ داخوازا ئاشتيێ دكه‌ن و نه‌ك ڤه‌گه‌ڕيانێ بۆ شه‌ڕى.
حكومه‌تا يه‌مه‌نێ د هه‌يڤا بۆرى دا راگه‌هاند بوو كو حوسييان ب فرۆكه‌يێن بێفرۆكه‌ڤان هێرش ل سه‌ر دامه‌زراوه‌يێن په‌ترۆلێ كرينه‌ و دو به‌نده‌رێن به‌رهه‌مئينانا په‌ترۆلێ ل پارێزگه‌ها حه‌زره‌موت بۆمبه‌بارانكرينه‌ بێى ئه‌و هێرشه‌ چ زيانێن گيانى يان ماددى په‌يدا بكه‌ن.