گاڤ – تایبه‌ت
حكومه‌تا ئیراقێ بۆ پاراستنا سنۆرێن ل گه‌ل ئیرانێ، بریارا پێكئینانا 2 لیوایان دا و په‌ڕله‌مانتاره‌ك دبێژیت: پێكهاته‌یا هه‌ردو لیوایان دێ ژ گه‌نجێن هه‌رێمێ بن.
خالد رێكانى، په‌ڕله‌مانتارێ پارتى ل به‌غدا بۆ گاڤ گۆت: بۆ پاراستنا سنۆرێن ل گه‌ل ئیرانێ، حكومه‌تا ئیراقێ بریارا پێكئینانا 2 لیوایان دایه‌ و پێكهاته‌یا هه‌ردو لیوایان دێ ژ گه‌نجێن هه‌رێما كوردستانێ بن، ب ڤێ گاڤێ ژى هه‌م دێ سنۆر هێنه‌ پاراستن و هه‌م ژى دێ ب هزاران گه‌نج ب كاركه‌ڤن.
ل گۆره‌ى زانیاریێن گاڤ، نێزیكى 7 هزار كه‌سان دێ ل سه‌ر میلاكێ هێزێن زێره‌ڤانێن سنۆرى هێنه‌ دامه‌زراندن كو سه‌ر ب حكومه‌تا ئیراقێ ڤه‌یه‌ و دێ ب درێژاهیا سنۆرێن ل گه‌ل ئیرانێ ئه‌ركێ پاراستنا سنۆران ب ستۆیێ خۆ ڤه‌ گرن.