ئەڤرۆ ل مۆندیالێ یاریێن ئێکلاکەرن
بەلاڤ بکە
گاڤ
ئەڤرۆ دوماهی یاریێن گرۆپان یێن گرۆپێن ئێک و دو یێن مۆندیالا قەتەرێ دهێنە کرن و یاری بۆ دەربازبوونێ بۆ قووناغا شازدێ ئێکلاکەرن.
ل گۆرەی خشتەیێ یاریێن مۆندیالێ، ئەڤرۆ ل دەمژمێر 6:00ی ئێڤاری هەردو یاریێن گرۆپێ ئێکێ دێ هێنە کرن، یاریەک د ناڤبەرا قەتەرێ و هۆلەندا دایە و یاریا دی د ناڤبەرا ئکوادۆر و سنیگالێ دایە.
ژ وی گرۆپی، قەتەرێ چ خال نینن و دەرکەفتنا وێ ژ مۆندیالێ ئێکلا بوویە، لێ هەرسێ هەلبژارتیێن دی دەلیڤەیا دەربازبوونێ هەیە، ژبەر کو هەر ئێک ژ هۆلەندا و ئکوادۆرێ چار خال هەنە و سنیگالێ ژی سێ خال هەنە.
یاریێن گرۆپێ دویێ دێ ئەڤشەڤە دەمژمێر 10:00 بن، یاریەک د ناڤبەرا ئنگلتەرا و وێلز دایە و یاریا دی د ناڤبەرا ئەمریکا و ئیرانێ دایە.
یاریێن ڤی گرۆپی بهێزن، ژبەر کو هەموو هەلبژارتیان دەلیڤەیا دەربازبوونێ مایە. ئنگلتەرا یا خودانا چار خالان دێ بزاڤان کەت ب سەرکەفتنێ ل سەر وێلزا خودانا خالەکێ دەربازبوونا خۆ مسۆگەر بکەت و ئیران یا خودانا سێ خالان ژی ئەگەر ل سەر ئەمریکا سەربکەڤیت، دێ دەربازبوونێ بۆ قووناغا شازدێ مسۆگەر کەت.
