سهرۆكوهزیرێ ههرێمێ و وهزیرا بهرگریا هۆلهندا بهحسا چ كرن؟
گاڤ
سهرۆكوهزیرێ ههرێما كوردستانێ و وهزیرا بهرگریا هۆلهندا راگههاند، دڤێت دوماهى ب هێرشێن ل سهر ههرێما كوردستانێ بهێت.
ئهڤرۆ سێ شهمبێ 29-11-2022 ل ههولێرێ مهسروور بارزانى، سهرۆكوهزیرێ ههرێما كوردستانێ و كایسا ئۆلنگرن، وهزیرا بهرگریا هۆلهندا كۆمبوون.
ل گۆرەى راگههاندنهكا نڤیسینگهها سهرۆكوهزیرێ ههرێما كوردستانێ گرنگیا پارستنا ئاسایش و ئارامیا ههرێما كوردستانێ ئێك ژ تهوهرێن سهرهكى یێ كۆمبوونێ بوو.
ل گۆرەى نڤیسینگهها سهرۆكوهزیران، ههردو ئالیان زێدهبارى شهرمزاركرنا هێرش و گهفێن ل سهر ههرێما كوردستانێ، دوپاتى ل پێدڤیاتیا رێزگرتن و پاراستنا سهروهریا ئیراق و ههرێما كوردستانێ و بدوماهىئینانا گهف و دهستدرێژیان كر.
ههروهسا راگههاندنا سهرۆكاتیا وهزیران ئاماژه دایه، مهسروور بارزانى دوپاتى كریه كو ههرێما كوردستانێ وهك ههردهم دێ بیته فاكتهرهك بۆ ئاسایش و ئارامیا ناوچێ و خوازیاره پهیوهندیێن دۆستانه ل گهل وهلاتێن رهخودۆر ل سهر بنهمایێ جیرانیێ باش ببن و رێز ل ئێك دو و بهرژهوهندیێن ههڤپشك بهێته گرتن.