ههسهده: بۆ بهرسینگگرتنا ههر هێرشهكا توركیا بهرههڤین
گاڤ
ئهندامهكا فهرماندهیا هێزێن سوریا دیمۆكرات راگههاند، ئهو بۆ ههر بهرهنگاربوون و هێرشهكا زهمینى یا توركیا بهرههڤن و داخواز ژ رۆسیا كر ل همبهر هێرشێن توركیا بۆ سهر ناوچێ بێ ههلویست نهبیت.
نهورۆز ئهحمهد، فهرماندارا هێزێن سووریا دیمۆكرات ههسهدێ د كۆنگرهیهكێ رۆژنامهڤانى دا بهحس ل هێرشێن توركیا و گهفا وان ل سهر رۆژئاڤا كر و راگههاند، نوكه لڤینا ئهردى ژ ئالیێ توركیا ڤه نههاتیه كرن و توركیا دهمهكێ درێژ نهڤێت تا كو خۆ ئاماده بكهت بۆ هێرشێ و دوپاتكر، هێزێن سووریا دیمۆكرات بۆ ههر گهفهكا توركیا ئامادهیە و ئاماژه كر ژى كو گهفێن توركیا جدى نه.
ههروهسا دیاركر، دانوستاندن ل گهل رۆسیا و حكومهتا دیمهشقێ ژى بهردهوامن بۆ گهفێن توركیا ل سهر رۆژئاڤا كۆبانێ، رۆژئاڤا فوراتى، مهنبج و شههبا كو رۆسیا ل وێ دهڤهرێ دهستههلات ههیه.
هۆشدارى ژى دان ئهگهر توركیا هێرشێ بكهت و رۆسیا و رژێما سووریا بێ دهنگ بن یان خۆ ڤهكێشن و ل وى دهمى پهیوهندیێن وان دێ ل گهل هەردو ئالیان هێنه گوهۆڕین و ههڤسهنگى ل ناوچێ نامینیت و ئێدى شهڕ ل ناوچهیهكا بتنێ نامینیت.
فهرماندارا ههسهدێ گۆتژى: ئهگهر توركیا هێرشێ بكهت دێ بیته ئهگهرێ ئاوارهبوونا 5 ملیۆن كهسان و رهوشا ناوچێ دێ كهڤیته د مهترسیهكا مهزن دا.