یاریا ئیرانێ و ئه‌مریكا پتر ژ وه‌رزشێ یاریه‌كا سیاسى یه؟
بەلاڤ بکە
یاریا ئیرانێ و ئه‌مریكا پتر ژ وه‌رزشێ یاریه‌كا سیاسى یه؟
وه‌زیرێ ده‌رڤه‌یێ ئه‌مریكا ل دۆر یاریا ئه‌ڤشه‌ڤه كو بڕیاره دناڤبه‌را ئیرانێ و ئه‌مریكا دا بهێته كرن، راگه‌هاند، ب پشتراستیڤه ئه‌مریكا دێ ئیرانێ به‌زینیت.
د قوناغا ئێكی ژ موندیالا 2022ێ كو نها ل قه‌ته‌رێ دهێته كرن، ئیرانێ دو یارى كرینه، دگه‌ل هه‌لبژارتیێ ئنگلته‌را تووشى دۆڕاندنه‌كا مه‌زن بوو، لێ دیاریا دگه‌ل هه‌لبژارتیێ وێلز ڤه‌گه‌ریا و بسه‌ر كه‌فت، د یاریا ئه‌ڤشه‌ڤه دا دناڤبه‌را ئیرانێ و ئه‌مریكا دا كو بریاره ده‌مژمێر 10 بهێته كرن و بۆ ئیرانێ یاریه‌كا چاره‌نڤیسى یه، پتر ژ جه‌ماوه‌رێ وه‌رزشى، چاڤێ سیاسیان لسه‌ره.
ئه‌نتۆنى بلینكن، وه‌زیرێ ده‌رڤه‌یێ ئه‌مریكا دبه‌رسڤا رۆژنامه‌ڤانان دل ل دۆر یاریا دناڤبه‌را هه‌ردو هه‌لبژارتیان دا راگه‌هاند، ئه‌و پشتراسته وه‌لاتێ وى دێ ژ ئیرانێ به‌ت چونكى ئه‌و شیانێن هه‌لبژارتیێ وه‌لاتێ خۆ دزانیت.
