ههرفاندن و پهقاندنا جهێت دینی و پیرۆز نه تشتهكێ نویه!
ژ تهكیا بامهڕنێ یا نهقشبهندی لساڵا ١٩١٩
بۆ پهقاندنا كهنیسا مارتشمونێ ل ئهرهدنا لساڵا ١٩٦١
بۆ پهقاندنا مهرقهدێ شێخ پیراموسی ل گوندێ زێوێ لساڵا ١٩٨٨
بۆ توپ بارانكرنا مهرقهدێ شێخوئیسلام ل دێرهشێ ٢٠١٧
بۆ پهقاندنا مزگهفتهكێ ل رۆژئاڤایێ كوردستانێ لساڵا ٢٠٢٢!
دوهی دیمهنهك د تورێت جڤاكی دا بهڵاڤبوو كو تێدا توركا مزگهفتهك یا لرهخێ رۆژئاڤایێ كوردستانێ پهقاندی، براستی ژی شهڕ وهكی وهحشهكی یه ژ چ تشتا دهرباس نابیتن، بهلێ ژ خولیسهریا مه ههر دهردهسهری و كارهساتهكا ههبیت مه دیرۆك و سهربورێت دویر و درێژ دگهل ههنه.
نه كوردا و نهژی جهێت وان یێت پیرۆز و نهژی خۆ مریێت وانا چ دلۆڤانی ژ لایێ دوژمناڤه نهدیتیه، لساڵا ١٩١٩ دهمێ ئنگلیزا ئێڕشی بامهڕنێ كری، ١٤ كهس ژێ شههید كرن، بازارێ وێ ههمی شهلاند، ل ڤێڕێ ژی نه راوستان، تهكیا وێ یا دیرۆكی دهلهمێت كر و پهقاند و ههرفانده وێراههنێ، گهلهك ژ خهلكێ وێ گرتن و برنه بهغدا.
د رویدانێت ساڵا ١٩٦١ كهنیسا دیرۆكی یا مارتشمونێ ل گوندێ ئهرهدنا كهته بهر توپێت لهشكهرێ ئیراقێ و توپهك ڤێ كهفت و هاته ههرفاندن، كو دیرۆكا وێ بۆ پتری ١٦٠٠ ساڵا ڤهدگهریتن، گهلهك ژ خهلكێ وێژی شههید بوون.
لساڵا ١٩٨٨ دهمێ ئهنفالێت بههدینا، گوندێ زێوا شێخ پیراموسی كهته بهر ئهنفالا و پتری ٤٠ كهسا ژ خهلكێ وێ ئهنفالكرن، بهلێ ب كوشتن و بهرزهكرنا مرۆڤا تێر نهبوون، مهرقهدێ دیرۆكێ شێخ پیراموسی ل وی گوندی دهلهمێت كر و پهقاند، كو جههكێ دیرۆكی یێ گهلهك كهڤنه و ههتا نوكه د وی حالی دا مایه.
ههر ژ ڤێ چهندێ ژی ڤهنهبوون، د شهڕێ دناڤبهرا ترك و پهكهكا دا، مهرقهدێ شێخ ئیسلامێ دێرهشی ل دهڤهرا بهرێگارێ كهته بهر توپ و شهڕێت وانا، ئهو مهرقهدێ پیرۆز و دیرۆكی ژی نههاته پاراستن.
ڤێجا ل هیڤیێ نهبن ئهو ژ چ تشتا دهرباسبن، مرۆڤ و مری و مهرقهد و پهرستگههـ، مادهم یێت كوردانه! ههمی تشت د حهلالن!
دیمهنێت بهڵاڤبووی:-
- تهكیا بامهڕنێ لساڵێت پێنجیان دا
- كهنیسا مارتشمونێ ل ئهرهدنا ڤان دویماهیا پشتی هاتیه ئاڤاكرن ڤه.
- مهرقهدێ شێخ پیراموسی ل گوندێ زێوێ.
- مزگهفتا ل رهخێ رۆژئاڤایێ كوردستانێ كهتیه بهر توپ و شهڕی.