چیایێ ئاسۆس ل سنۆری ماوهت هاته بۆمبهبارانكرن
گاڤ
چیایێ ئاسۆر ژ ئالیێ فڕۆكهیان ڤه هاته بۆمبهبارانكرن و ژ ئهگهرا كهسهكى سڤیل ژیانا خۆ ژ دهست دایه و ئێك ژى بریندار بوویه و تا نوكه نههاتیه پشتراستكرن هێرش ژ ئالیێ كێ ڤه هاتیه كرن.
ل گۆرى زانیاریێن گاڤ ئهڤرۆ ئهینیێ 2-12-2022 ل گوندێ گهلاله ل چیایێ ئاسۆس یێ سهر ب دهڤهرداریا ماوهت ڤه ل سنۆرێ پارێزگهها سلێمانیێ فڕۆكهیان هێڕش كریه و و كوشتى و بریندار ههنه، لێ تا نوكه نههاتیه پشتراستكرن ژمارهیا وان چهنده و هێشتا نههاتیه زانین كا هێرش ب رێكا درۆنان بوویه یان ژى فڕۆكهیێن شهڕى.
ههروهسا زانیارى دیاردكهن، كهسهكى د هێرشێ دا ژیانا خۆ ژ دهست دایه و بریندارهك ژى هاتیه پشتراستكرن و زیان ب سڤیلان ژى كهفتینه.
ههروهسا زانیارى ئاشكرادكهن، ئهو كهسێن بهر ب بۆمبهبارانێ كهفتین خهلكێ گوندێ قامیشن و هێشتا دیارنهبوویه ئهو ب چ مهرهم چووینه وێرێ و ئهو وهلاتیێن سڤیلن.
زانیارى هێشتا تهمام نهبووینه كا هێرش ژ ئالیێ كیش وهلاتى ڤه هاتیه كرن لێ پێشتر توركیا هێرش ل وى چیایى كرینه.
دێ هێته نویكرن..