گاڤ

ئێڤاریا ئەڤرۆ ئەینی، هەشت هەلبژارتیێن وەلاتان ل مۆندیالا قەتەرێ دێ یاریا تەپا پێ کەن و ئەنجامێن هەر هەلبژارتیێ کاریگەریێ لسەر دەربازبوونێ بۆ گەرا شازدێ دکەن.
گرۆپا حەفتێ ژ هەلبژارتیێ بەرازیل، سویسرا، کامیرۆن و سربیا پێک دهێت و بەرازیل نوکە ب شەش خالان لسەرێ لیستێ دهێت و سویسرا ب سێ خالان ل رێزا دویێ و هەردو هەلبژارتیێن کامیرۆن و سربیا ل رێزا سیێ و چوارێ ب خالەکی دهێن.
ل گۆرەی ئەنجامان هەتا نوکە، بەرازیل پێدڤی ب تنێ وەکهەڤیێ یە هەتا کو لسەرێ رێزا ڤی گرۆپی دهێت، سویسرا پێدڤی ب سەرکەفتنێ یان وەکهەڤیێ هەیە ب وی مەرجی کامیرۆن خوسارەت ببیت یان وەکهەڤبیت،یان کامیرۆن خوسارەت ببیت و جوداهیا گۆلان د بەرژەوەندیا سویسرا دایە.
 دەربارەی سربیاژی، پێدڤیە سەرکەڤیت ب وی مەرجێ بەرازیل ل کامیرۆن ببەت یان وەکهەڤبیت و جوداهیا گۆلان د بەرژوەندیا کامیرۆن دابیت، یان سربیا و سویسرا وەکهەڤبن و جوداهیا گۆلان د بەرژوەندیا وێ دابیت.
هەلبژارتیێ کامیرۆن پێدڤیە سەرکەڤیت ل گەل بەرازیل ب وی مەرجێ سربیا ل سویسرا ببەت و جودایا گۆلان د بەرژوەندیا کامیرۆن دا بیت، یان سویسرا و سربیا وەکهەڤبن و جوداهیا گۆلان ژی د بەرژوەندیا کامیرۆن دابیت.

گرۆپێ هەشتێ ژی پورتوگال  بۆ قوناغا شازدێ سەرکەفتی یە و تنێ پێدڤی ب وەکهەڤیێ یە هەتا کو ب پێشەنگیا گرۆپی بمینیت.
هەلبژارتیێ غانا پێدڤی ب سەرکەفتن یان وەکهەڤبوونێ هەیە ب مەرجەکی کۆریا ل پورتوگال ببەت یان وەکهەڤبن،یانژی سەرکەفتنا کۆریا ب مەرجەکی گۆل د بەرژوەندا غانا بیت.
 ئۆرۆگوای دڤێت ل غانا ببەت ب مەرجەکی کۆریا بەرامبەر پورتوگال سەرکەڤیت یان وەکهەڤبن،یانژی سەرکەفتنا کۆریا ب مەرجێ جوداهیا گۆلان د بەرژوەندیا ئۆرۆگوای دابیت.
 هەلبژارتیێ کۆریا دێ دەربازبیت ب مەرجێ غانا بەرامبەر ئۆرۆگوای سەرکەنەڤیت و جوداهیا گۆلان د بەرژەوەندیا کۆریابیت، یانژی سەرکەفتنا وێ لسەر پورتوگال و وەکهەڤبوونا غانا و ئۆرۆگوای و جاوداهیا گۆلان د بەرژەوەندیا کۆریا بیت.