گاڤ

بهایێن زێڕى و په‌ترۆلێ بۆ نزمترین ئاست د حه‌فتییه‌كێ دا داكه‌فتن و ئه‌گه‌ر ژى بۆ راگه‌هاندنا ئاگربه‌ستا دناڤبه‌را ئسرائیل و ئیرانێ دا دهێنه‌ ڤه‌گه‌ڕاندن.

ئه‌ڤرۆ سپێدێ ل گه‌ل ڤه‌كرنا ده‌رگه‌هێن بازاران ئێك ئونسا زێڕى 6%ێ ژ بهایێ خۆ ژ ده‌ست دا و هه‌ر ئێك ئونسه‌یا زێڕى ب 3 هزار و 349 دۆلار و 89 سه‌نتان بازار و كڕین و فرۆشتن پێ هاتییه‌كرن.

ئه‌گه‌رێن سه‌ره‌كى یێن داكه‌فتنێ بۆ ئاگربه‌ستا راوه‌ستاندنا شه‌ڕێ ئیران و ئسرائیلێ ڤه‌دگه‌ڕن، كو ب ناڤبه‌ینكارییا ئه‌مریكا ئه‌و یه‌ك هاتییه‌كرن.

هه‌ر ئه‌ڤرۆ سپێدێ ل گه‌ل ڤه‌كرنا ده‌رگه‌هێن بازارێن ئاسییا و جیهانێ بهایێ په‌ترۆلێ بۆ نزمترین ئاست د هه‌یاما حه‌فتییه‌كێ دا داكه‌فت و هه‌ر ئێك به‌ڕمیل ب 69 دۆلار و 40 سه‌نتان بازار و كڕین و فرۆشتن پێ دهێته‌ كرن.