رۆنکرنەک ژ د. عەبدوللا جەلال، سەرۆکێ یانەیا دهۆکێ
بەلاڤ بکە
گاڤ
سەرۆکێ یانەیا دهۆکێ رۆنکرنەک ل دۆر کارڤەدانێن پستی یاریا شڤێدی ل گەل یانەیا هەولێرێ راگەهاند.
د راگەهاندنا سەرۆکێ یانەیێ دا هاتییە "نابیت ئەم رویدانێن یاریا شڤێدی مەزن بکەین، لێ نابیت پشتگوهـ ژی بهاڤێژین، هێزێن پاراستنا یاریگەهێ هێرشی یاریکەرێن مە کرییە. بابەت ب تێر و تەسەل گەهشتییە جهێن بەرپرس و دێ پێرابوونێن یاسایی هێنە وەرگرتن".
هەروەسا نڤیسییە" پشتەڤان ب شەر نەچووینە و پشتەڤانێن وان گەلەک رێز ل مە گرت، لێ پێدڤییە دیاردەیا شکاندنا کۆرسیکان نەمینیت و رێکێ نادەین هندەک کەس رەوشتێ بلند و جامێرییا دهۆکییان تێکبدەن".
د. عەبدوللایی دیار ژی کرییە "هندەک شاشی ژ ئالییێ مە ژی ڤە هاتینەکرن و هەڤالێن مە کەفتینە داڤا شاشییێن دادڤانی و دێ رێکار ل گەل هێنە وەرگرتن. دانپێدانێ دکەین کو هەمی بریارێن دادڤانی د شاش نەبوون، لێ ل سەر شاشییێن هەستیار دێ سکالایێ تۆمارکەین، ژبەر شاشییێن دادڤانان گەلەک کارتێکرن ل مە بوویە، دادڤانان ب بریار و ئاخفتن و لڤینێن خۆ ل گەل یاریکەران ئارستەیێ یاریێ گوهارتن و بەرەڤ ئاقارەکێ دی ڤە بر.
سەرۆکێ یانەیێ سۆز ژی دا و راگەهاندییە "سۆزێ ددەینە جەماوەرێ خۆ کو دێ گوهۆڕینێن مەزن ل وەەرزێ بهێت هێنەکرن داکو بهێز ڤەگەرین".
دوپات ژی کر "ههر گازندهكا پشتهڤان بكهن ئهم بسینگهكێ بهرفرههـ وهردگرین ژبەرکو مافێ وانه و یانه یانهیا وانه، لێ د ههمان دهم دا رێکێ نادهین هندهك كهسێن ب سیفهتێ بهرپرسێن نهبهرپرس كو خۆ ب نوینهرێن خهلكی ددانن و د دهمێ بهرپرسیارهتییا وهرزشی لبهر سینگێ وان چ ژ بهرپرسیارهتییا خۆ چێنهكری و نهشیاینه چ خزمهتا پێشكێش بكهن نوكه دژایهتییا یانهیا دهۆك بكهن بۆ هندێ سوباهی دهرفهتهك ههبیت بهێنه دناڤ یانهیا دهۆك دا پشتی یانهیا دهۆك ژ رەوشا خۆ یا چهند سالێن بوری یێن خراب دهركهفتی . ئهم وان كهسان بێمنهت دكهین و ههلبژارتن لبهر سینگێ وانه".
"ئهز یێ پشتراستم لدهمهكێ نێزیك دهمێ ههڤبهستێن نوو د راگههینین دێ بیته جهێ دلخۆشییا پشتهڤانێن یانهیا دهۆك ، چنكو هوین ژ ههژی ههموو تشتێن باشن و مه پێكڤه گهلهك قۆناغێن خراپتر دهربازكرینه و دێ ڤێ قۆناغێ ژی ب ئێك دهست و ئێك دل دهرباز كهین. ئهم نه دبێدهنگین و ئهم دزانین لاوازی لكیڤهنه و چ كێماسی ههنه لێ نوكه ئهم نهشێین بگوهورین چنكو خول بدووهیك نههاتییه لێ تشتێ باش ههر ژ رۆژا بدووماهیك هاتنا خولێ بدهمهكێ كێم دێ هێنه ههبوونێ و بتنێ چاڤهرێ بن".
