دەرگەهێ مە بۆ پێشنیازان ڤەکرییە، لێ ژ کێ وەربگرین؟!
بەلاڤ بکە
مللەت جەمال، ئەندامێ دەستەیا کارگێری یا یانەیا دهۆک
هەر ژ ئێکەم رۆژا کارکرنا مە ل یانا دهۆک مە دەرگەهێ خۆ ڤەکریە و بۆچوونێن کەسێن خودان سەربۆرێن و سەرکەفتی وەرگرتینە. لێ ب راستی ژی ئەم نەبەرهەڤین بۆچوونێن چ کەسان وەرگرین کو نەشیابن چ زێدەهییان ل جهێ پێگەهێ خۆ یێ وەرزشی بکەن. لێ د هەمان دا ئەم سوپاسدارێن پشتەڤانێن خۆینە ئەوێن بەردەوام پێشنیازا ددەنە مە و مە مفا ژی ژێ کریە.
دەما هندەک کەس دهێن بەحسێ گوهۆرینان دکەن، نزانم کا مەرەما وان یاریکەر و راهێنەرن یان کارگێری، هەکەر مەرەما وان یاریکەر و راهێنەربن، ئەو دیاردکەت کو پێزانیێن وان ل سەر خۆلێ د کێمن چونکی نوکە دەرگەهێن ڤەگوهاستنا یاریزانان دگرتینە و چ مفا د گوهۆرینا وان دا نینە، لێ ئەگەر مەرەما تە کارگێری بیت وللە ئەم د بەرهەڤین بۆ بەرژەوەندییا یانەیا دهۆک سوبەهی دەستان ژ کارێ خۆ بەربدەین و مە چو ئاریشە ژی نینن، لێ یا رەوا نینە تو بهێی بەحسێ گوهۆرینا بکەی د دەمەکی دا کو چەند مەهێن کێم ماینە بۆ هەلبژارتنان و هەر کەسەک ئازادە بهێت خۆ بهەلبژێریت و ل وی دەمی جەماوەر و پشتەڤانێن یانەیێ کو خودان و هەڤپشکێن یانەیێنە ئەو دێ بریارێ دەن کا کێ کارکرییە و کا کێ دڤێت بهێت جارەکادی دەستێن خۆ بکەتە د کارەکی دا کو بەری نوکە هزار سەربۆرێن سەرنەکەفتی هەبووینە!
ئەز بێژم ئەم هەمی باش ئێکودو دنیاسین ژبەرکو مە ل گەل گەلەک ژ وان کەسان سەربۆرێن کارکرنێ ل یانەیا گارە و جهێن دی ژی هەنە! خەلک ژی باش دزانن کا ئەو دەم چەندا شکەستی یان چەندا سەرکەفتی بوو؟! باش ژی دزانن پشتی نەمانا وان ل یانەیا گارە، یانە چەوا و چەند پێشکەفت!
