گاڤ

ئەڤرۆ دێ ئاهەنگا سەرەکی یا شەهیانا جێف بێزۆز، خودانێ کۆمپانیا ئەمازۆن و ئێک ژ زەنگینترین کەسێن جیهانێ و لۆرین سانچێز هێتەکرن.

دو رۆژن ئاهەنگ دهێتەکرن و ئەڤرۆ ل باژێرێ ڤینێس یێ ئیتالی دێ ئاهەنگا سەرەکی هێتەکرن، پتری 55 ملیۆن دۆلاران ل ئاهەنگێ هاتینە خەرجکرن.

پتری 250 کەسایەتی و زەنگینێن جیهانی پشکداری ئاهەنگێ بووینە، هەر ئێک ژ بێل گەیتس، لیۆناردۆ دیکاپریۆ، کیم کارداشیان، ئیڤانکا ترەمپ، ئۆپێرا وێنفری و ب سەدان کەسایەتییێن دی ل ئاهەنگێ پشکدارن.

پترییا هۆتێل و جهێن گەشتیاری یێن باژێرێ ڤینێس هاتینە حێجزکرن. تا وی رادەیی خەلک چووینە ئاهەنگێ، خەلکێ باژێری خۆنیشاندان ل دژی ئاهەنگێ کرن.

پتری 100 فرۆکەیێن تایبەت مێهڤان گەهاندینە ئاهەنگێ و ئەو ژۆرا تێڤە دنڤیت، بهایێ ئێک شەڤ پتری 4 هزار دۆلارن.