گاڤ - تایبەت

مەسعوود میرال، بۆ گاڤ دیارکر چ راستی بۆ دەنگۆیێ چوونا من بۆ یانەیا کۆبانی سپۆر نینە و نەبوویمە راهێنەرێ وێ.

مەسعوود میرال، راهێنەرێ بەری نوکە یێ یانەیا دهۆک، ئەڤرۆ، ئێکشەمبییێ، 29-6-2025، تایبەت بۆ گاڤ راگەهاند؛ چ راستی بۆ دەنگۆیێ چوونا من بۆ یانەیا کۆبانی سپۆر نینە و نەبوویمە راهێنەرێ وێ.

ل هاڤینا بۆری مەسعوود میرال، ئەرکێ راهێنەرایەتییا یانەیا دهۆک ب ستۆیێ خۆڤەگرت و دئەڤ سالە دا شیا ناسناڤێ جاما کەنداڤی بدەستخۆڤە بینیت، ل گەل دویماهییا وەرزی گرێبەستا وی ل گەل یانەیێ بدویماهیهات و دەستژکارکێشانا خۆ راگەهاند.

پێشتر چەندین میدیایان هۆسا دابوو دیارکرن کو راهێنەرێ ناڤبری بوویە راهێنەرێ یانەیا کۆبانی سپۆر.

ل  2025-5-19، فدراسیۆنا تەپاپێ یا ئیراقێ راهێنه‌رێ یانه‌یا دهۆكێ سزا دا و ئەوبوو ئێدی نابیت راهێنانان ب یاریكه‌ران بكه‌ت، ب چ ره‌نگان ژى نابیت بچیته‌ د ناڤا یاریگه‌هان دا و قه‌ده‌غه‌یه‌ هه‌مى چالاكیێن وه‌رزشى یێن گرێدایى ته‌پاپێ بكه‌ت.

ل 2025-6-16، ئێکەتییا فۆتبۆلا ئیراقێ، د بەیانەکێ دا راگەهاندبوو؛ ب پشتبەستن ل سەر سکالایا یانەیا شورتە ل دویڤ نڤیسارا ژمارە 773 ل 2025-5-22، ل دژی مەسعوود میرالی،  دیار دبیت کو راهێنەرێ ناڤبری سەرپێچی کرینە.

دیارکربوو ژی؛ راهێنەرێ بەرێ یێ یانەیا دهۆک، ب پشتبەستن ب بڕگەیێن ماددەیێ )أ-5-48( و ماددەیێ 11  ژ رێسایێن پێگیری و رەوشتی بۆ وەرزێ (25-24) ب سالەک دویرئێخستن ژ یاریگەهێ و50  ملیۆن دینارێن ئیراقی هاتە سزادان.