گاڤ

 ژێدەرەکێ تایبەت ژ بەغدا بۆ گاڤ راگەهاند؛ بەغدا داخوازا رادەستکرنا پتر یا پەترۆلێ دکەت و رازی نابیت قەرێن کۆمپانییێن پەترۆلا هەرێمێ بدەت و ئەڤە بوویە کێشە بۆ رێککەفتنێ.

پشتی وەزیرا دارایی یا ئیراقێ د نڤیسارەکێ دا گۆتییە حکومەتا هەرێمێ؛ پشکا هەوە د بودجەیا ئەڤ سالە دا ب دویماهی هاتییە، چەندین کۆمبوون ل دۆر ڤێ یەکێ هاتینەکرن و هەتا نوکە مووچەیێن هەردو مەهێن گولان و خزیرانێ نەهاتینە دان.

ژێدەرەکێ تایبەت ژ بەغدا، ئەڤرۆ، سێشەمبییێ، 1-7-2025، بۆ گاڤ راگەهاند؛ بەغدا داخوازا رادەستکرنا پتر یا پەترۆلێ دکەت و رازی نابیت قەرێن کۆمپانییێن دەرئینانا پەترۆلا هەرێمێ بدەت.

دیارکرییە ژی؛ فوئاد حسێنی گۆتییە سوودانی؛ دبیت هەتا رێککەفتنێ کار ڤەکێشیت، بۆ دیارکرنا نیازپاقژییا خۆ، مووچەیێ هەیڤا 5 بهنێرن.

دایە زانین ژی؛ سوودانی گۆتییە: د دەستێن من دا نینە، ئەگەر چارچووڤەیێ هەماهەنگییێ رازی ببیت، دێ هنێرم.

ئاشکراکر ژی؛ دبیت د چەند رۆژێن بهێن دا، رازیبوون ل سەر هنارتنا مووچەیێ هەیڤا 5 بهێتەدان.

ئەڤە د دەمەکی دایە، وەزارەتا دارایی یا ئیراقێ، 2025-5-28، نڤیسارەک بۆ حکومەتا هەرێما کوردستانێ هنارت، تێدا راگەهاندبوو؛ بەغدا بەرهەڤ نینە ئێدی ژ هنارتنا مووچەیی بەردەوام بیت و مووچەیێ هەیڤا 5 ژی ناهنێرین.

دیارکربوو ژی؛ هەرێما کوردستانێ رێژەیا 12.7% یا پشکا خۆ ژ یاسایا بودجەیی دەربازکرییە کو 13.5 ترلیۆن دینارە.