گاڤ

وه‌زاره‌تا ژێده‌رێن ئاڤێ یا ئیراقێ راگه‌هاند، توركیا ئاڤ بۆ ئیراقێ ب رێكا رویبارێ دیجله‌ به‌ردا و له‌زاتییا ئاڤێ 50 بۆ 60 كیلۆمه‌ترانه‌ د ئێك ده‌مژمێرێ دا.

ئه‌ڤرۆ شه‌مبیێ 5-7-2025ێ وه‌زاره‌تا ژێده‌رێن ئاڤێ یا ئیراقێ راگه‌هاند، توركیا ب رێكا رویبارێ دیجله‌ ئاڤ بۆ ئیراقێ به‌ردایه‌ و د هه‌ر چڕكه‌یه‌كێ دا 200 مترێن سێجار یێن ئاڤێ دچنه‌ سه‌ر رویبارێ دیجله‌ كو توركیا نیازه‌ ل ده‌مه‌كێ نێزیك بكه‌ته‌ 420 مترین سێجار یێن ئاڤێ.

ژێده‌رێن ئاڤێ خویاكریه‌، له‌زاتییا وێ ئاڤا نوكه‌ ژ توركیا دهێت 50 بۆ 60 كیلۆمته‌رانه‌ د ئێك ده‌مژمێرێ دا و توركیا قه‌باره‌یه‌كێ مه‌زن یێ ئاڤێ به‌ردایه‌.

زێده‌بارى ئیراقێ چه‌ندین كانى و بیر و ژێده‌رێن جودا یێن ئاڤێ هه‌نه‌، لی 70%ێ یا ئاڤا ئیراقێ ژ وه‌لاتێن ده‌رڤه‌، توركیا، ئیران و سووریا دهێت.

هه‌روه‌سا ئاشكراكریه‌، ئه‌و ئاڤ دێ یه‌ده‌كێ ئاڤێن به‌نداڤێن میسل و حه‌دیسه‌ زێده‌ كه‌ت و دێ بیته‌ ژێدره‌كێ باش بۆ ئاڤا ئیراقێ.