گاڤ

سەباح نەعمان، پەیڤدارێ فه‌رمانده‌یا گشتى یا هێزێن چه‌دار یا ئیراقێ به‌رسڤا وه‌زاره‌تا ناڤخۆ یا حكومه‌تا هه‌رێما كوردستانێ دا.

د راگه‌هاندنه‌كێ دا سه‌باح نه‌عمان، په‌یڤدارێ محه‌مه‌د شیاع سوودانى، سه‌رۆكوه‌زیرێن ئیراقێ و فه‌رمانده‌یێ گشتى یێ هێزێن چه‌كدار راگه‌هاند، ئه‌وا وه‌زاره‌تا ناڤخۆ یا هه‌رێما كوردستانێ ده‌ركرى ده‌رباره‌یى تۆمه‌تباركرنا هێزێن فه‌رمى یێن ئیراقێ كاره‌كى ره‌تكریه‌ و شه‌رمزار كریه‌ و ب چ بهانه‌یان رێپێداى نینه‌.

هه‌روه‌سا داخوازكر ئه‌گه‌ر به‌لگه‌ هه‌بن بلا پێشكێشى ئالیێن فه‌رمى یێن حكومه‌تا ئیراقێ بكه‌ن.

نه‌عمان دیاركرن حكومه‌تا فیدرالى چ ده‌مان ل سه‌ر كیستی ئاساییشا وه‌لاتى ده‌ستبه‌ردار نابیت و دودل نابیت و دێ رێكارێن یاساین و توند ل هه‌مبه‌رى هه‌ر ئالیه‌كى سه‌قامگێرییا ئیراقێ تێك بده‌ت گریته‌ به‌ر.

ل دوماهاییا راگه‌هاندنا خۆ دیاركریه‌، گوهۆڕینێن نوكه‌ پێدڤى ب هه‌ڤسه‌نگى و هاریكاریێ یه‌ ب رێكا ده‌رگه‌هێن فه‌رمى، نه‌ وه‌ك په‌نابرن بۆ داخویانى و كه‌نالێن راگه‌هاندنێ چونكى ئه‌ڤ كاره‌ ده‌لیڤه‌یێ ل هه‌مبه‌رى نه‌حه‌ز و ئالیێن دوژمن كار بێ رێزیێ ب سازییان دكه‌ت و زیانێ ب سه‌قامگێرییا ئیراقێ دكه‌ت.