گاڤ

سەرۆک نێچیرڤان بارزانی د بیرئینانا عاشورایێ دا راگەهاند؛ گیانێ پێکڤەیی و براینییا ئیراقییان و گرنگییا چارەکرنا ناکۆکییان، دوپاتییێ ل خزمەتکرنا بەرژوەندییێن بالا یێن وەلاتی دکەت.

نێچیرڤان بارزانی، سەرۆکێ هەرێما کوردستانێ، ئەڤرۆ، شەمبییێ، 5-7-2025، د پەیامەکێ دا راگەهاند؛ د رۆژا عاشورایێ دا، بیرا خۆ ل بهایێن راستییێ و سەبرگرتن و قوربانیدانا ئیمام حسێن سلاڤ لێ بن دئینین و وان وانەیێن داخوازا دادپەروەری، لێبۆرین و ئاشتییێ دکەن.

سەرۆک نێچیرڤان بارزانى دیارکر ژی؛ گیانێ پێکڤەیی و براینییا دناڤبەرا ئیراقییان دا و گرنگییا چارەکرنا ناکۆکییان، دوپاتییێ ل خزمەتکرنا بەرژوەندییێن بالا یێن وەلاتی و باشترکرنا سەقامگیرییێ دکەن.

بیرەوەرییا عاشورایێ هەر سال ژ ئالییێ شیعەیان ڤە، ل ئیراقێ دهێتە ساخکرن، ل گەلەک وەلاتان شیعە سەرەدانا ئیراقێ دکەن و ئەڤ سالە دهێتە چاڤەرێکرن سەدان هزاران کەس سەرا کەربەلا بدەن.