گاڤ

سەرۆک بارزانى پێشوازی ل جڤاتا پشتەڤانییا پارێزگەها هەلەبجە کر و دیارکر، پارێزگەهبوونا هەلەبجە ب قوربانیدان و مەزناهییا هەلەبجە ناهێتە هەڤبەرکرن.

سەرۆک مەسعوود بارزانى، ئەڤرۆ، شەمبییێ، 5-7-2025، پێشوازی ل جڤاتا پشتەڤانییا پارێزگەها هەلەبجە کر. بارەگایێ بارزانى راگەهاند؛ د دیدارێ دا شاندا مێهڤان بناڤێ خەلکێ هەلەبجە سوپاسییا سوپاسییا سەرۆک بارزانى کر ژبەر رۆلێ وان دپارێزگەهبوونا هەلەبجە دا و وان خزمەتگۆزارییێن پێشتر بۆ هاتینە پێشکێشکرن.

دیارکر ژی؛ هەورەسان شاندا مێهڤان، سوپاسییا سەرۆکاتییا هەرێما کوردستانێ، حکومەتا هەرێما کوردستانێ، پەرلەمان و نوینەرێن هەرێما کوردستانێ ل بەغدا کر ژبەر بزاڤێن وان یێن رژد بۆ پارێزگەهبوونا هەلەبجە.

بارەگایێ بارزانى دا زانین ژی؛ شاندا مێهڤان داخواز ژ سەرۆک بارزانى کر کو ب رێیا سازییێن هەرێما کوردستانێ، یێ بەردەوام بیت ژ پشتەڤانییا خۆ بۆ هەلەبجە و خزمەتگۆزارییێن زێدەتر بۆ دەڤەرا هەلەبجە.

ئاشکراکر ژی؛ ژ ئالییێ خۆ ڤە سەرۆک بارزانى ب گەرمی بخێرهاتنا شاندا مێهڤان کر و سەرباری ئاماژەدان ب دیرۆک و قوربانیدانا هەلەبجە، سەرۆک بارزانى دیارکر، پارێزگەهبوونا هەلەبجە، تنێ بابەتەکێ مەعنەوییە و ژپێخەمەت گەهاندنا خزمەتگۆزارییێن زێدەترە.

سەرۆک بارزانى گۆت ژی: پارێزگەهبوونا هەلەبجە ب قوربانیدان و مەزناهییا هەلەبجە ناهێتە هەڤبەرکرن، ب شانازی ڤە، خۆ ب ئەندامێ جڤاتا پشتەڤانییا پارێزگەها هەلەبجە دزانم و ئەرکە ل سەر ملێن سازییێن هەرێما کوردستانێ ژ ئالییێ خزمەتگۆزییان ڤە یا د شیان دا، بۆ هەلەبجە بهێتەکرن.

دیار ژی کر؛ هەر د دیدارێ دا سەرۆک بارزانى بەحسی رەوشا سیاسی و پەیوەندییێن دناڤبەرا هەولێر و بەغدایێ دا بۆ بەرهەڤبوویان کر.

ل 14-14-2025، ب بەرهەڤبوونا 187 ئەندامێن جڤاتا نوینەرێن ئیراقێ دەنگدان ل سەر پرۆژەیاسایا پارێزگەهبوونا هەلەبجە هاتەکرن و وەک پارێزگەها 19 یا ئیراقێ هاتە دەستنیشانکرن.