گاڤ

سەرۆککۆمارێ تورکیا ل دۆر روشا سووریا پەیامەک بەلاڤکر و دیارکر، تورکیا رێکێ ب چ پیلانان نادەت کو رەواییێ بدەتە رێکخراوێن تیرۆرستی و پێدڤییە تنێ سوپایێ سووریا ل وی وەلاتی یێ بالادەست بیت.

رەجەب تەییب ئەردۆگان، سەرۆککۆمارێ تورکیا، ئەڤرۆ، شەمبییێ، 5-7-2025، راگەهاند؛ ئەم چ پیلانان قەبویل ناکەین کو رەواییێ بدەتە رێکخراوێن تیرۆرستی یان دریژییێ بدەتە کارێن وان، هەر هاریکارییەک و پشتەڤانییەکێ دێ پێشکێشکەین بۆ وێ یەکێ تیرۆرێ ل ئاخا سووریا چ کارتێکرنا خۆ نەمینیت.

ئەردۆگانی دیارکر ژی؛ هەمی هێزێن چەکداری بهێنە هەلوەشاندن و ل سووریا هەمییێ بتنێ سوپایێ سووریا یێ بالادەست بیت.

گۆت ژی: ئارامی و سەقامگیرییا هەردەمی یا سووریا د بەرژەوەندییا مە ژی دا یە، ئەوێن بزاڤێن تێکدانا ڤێ رەوشێ دکەن، دێ تورکیا ل بەر سینگێ خۆ بینیت.

ل 24-5-2025، رەجەب تەییب ئەردۆگان، سەرۆککۆمارێ تورکیا و ئەحمەد شەرع، سەرۆککۆمارێ سووریا بۆ قویناغا ڤەگوهاستنێ ل کۆچکا دوولمەباخچە ل ستەنبۆلێ کۆمبوون و بەحسی هێرشێن ئسرائیلێ و هەماهەنگییێ دبیاڤێن جودا-جودا دا کربوو.

ل گۆرەیی بەیانا فەرمانگەها پەیوەندییان ل سەرۆکاتییا کۆماری یا تورکیا، ئەردۆگانی گۆتبوو شەرعی: بۆ ژنوکە و وێڤە تورکیا دێ پشتەڤانییا سووریا کەت.