گاڤ

سه‌رۆكێ هه‌رێما كوردستانێ په‌یامكه‌ د یادا 42 سالییا بارزانییان دا به‌لاڤكر و داخوازكر، یا بۆرى ببیته‌ وانه‌ بۆ هه‌مى پێكهاتێن ئیراقێ بۆ ئێكودوقه‌بویلكرن و رێزگرتنێ.

نێچیرڤان بارزانى، سه‌رۆكێ هه‌رێما كوردستانێ گۆت: ئه‌ڤرۆ 42 سال ب سه‌ر تاوانا ئه‌نفالێن كو هه‌شت هزار وه‌لاتیێن سڤیل یێن بێ تاوان یێن بارزانى دا ده‌ربازبوون، دڤێ یادا خه‌مگین دا سه‌رێ خۆ ل هه‌مبه‌رى گیانێ وان یێ پاقژ د چه‌مینین و ب وه‌فادارى ل بیردئینین.

ئاشكراكر، ئه‌نفالكرنا بارزانییان ژ ئالیێ رژێما وى ده‌مى یا ئیراقێ ڤه‌ به‌رده‌ومییا زنجیره‌یا واناوانان بوو یێن كو بۆ شكاندنا گه‌لێ كوردستانێ و قڕكرنا وان هاتیه‌ دارشتن، به‌لێ خۆڕاگرى و خۆراده‌ستكرنا كوردسانییان شكه‌ستن ئینا و بوو په‌له‌كێ ره‌ش ب ناڤ چاڤێن بكه‌ران ڤه‌.

دایك، خویشك، هه‌ڤژین و خێزانێن بارزانى پشتى وێ كاره‌ساتێ ده‌رده‌سه‌رى و نه‌هامه‌تییكا مه‌زن دا ژیان و نه‌چاربوون به‌رسینگێ نه‌بوون و هه‌ژاریێ و ژیانه‌كا سه‌خت و دژوار بگرن و گۆت: ده‌ستێن وان دایكێن دلسۆز ماچ دكه‌م یێن كو ب ڤیان و دلسۆزى بۆ گه‌ل و نشتیمانێ خۆ زاڕۆكێن خۆ په‌روه‌رده‌ كرین و مه‌زنكرین.

د ڤێ یادێ دا دوپاتى ل مافێن ته‌ماما قوربانیێن ئه‌نفالێن بارزانییان و پێلێن ئه‌نفالان و هه‌مى قوربانیین رژێما پێشتر كر و گۆت: ئه‌ركێ حكومه‌تا ئیراقێ یه‌ هه‌ر چ یا پێدڤى بكه‌ت بۆ بجهئینانا دادپه‌روه‌یێ و قه‌ره‌بووكرنا كه‌سوكارێن قوربانییان.

هه‌روه‌سا سه‌رۆك نێچیرڤان بارزانى دیاركر، بلا رابرودوو و ئازار و ته‌حلى ببنه‌ په‌ند و وانه‌ و هانده‌ر داكو هه‌مى پێكهاتێن ئیراقێ ب ئێكودوقه‌بوولكرن و رێزگرن و لێبۆرین و ئاشتیانه‌ ب ئازادى و سه‌رفرازى و بێ جوداهى بژین و وه‌لات كۆمكه‌را هه‌میان ببیت.

ل دوماهاییا په‌یاما خۆ ژى لاڤ بۆ یادا ئه‌نفاكرنا بارزانییان و ته‌ماما شه‌هیدێن كوردستانێ هه‌بوو، ریز و پێزانین بۆ هه‌مى وان جوامێرێ هه‌ولێر و ناوچیێن دى هه‌بوون و د هاوارا بارزانیێن لیقه‌ومى چوون و هاریكارییا وان كرن.