پەیاما مەسروور بارزانی بۆ یادا 42 سالییا ئەنفالکرنا بارزانییان
بەلاڤ بکە
گاڤ
سەرۆکێ حکومەتا هەرێما کورستانێ پەیامەک د یادا 42 سالییا ئەنفالکرنا بارزانییان دا بەلاڤکر و دبێژیت، پێدڤییە نفشێن نوی بزانن گەلێ کوردستانێ چەند قوربانی ژ پێخەمەت ئازادییێ داینە.
مەسروور بارزانی نڤیسییە " د درێژاهییا سەد سالێن بۆری دا دەڤەرا بارزان چەندین جاران بەرهنگاری هێرش و پەلامارێن دوژمنێن کوردستانێ و سۆتن و کۆمەلکۆژی و وێرانکارییێ بووینە، لێ هەردەم خەلکێ نشتیمانپەروەر و ستەملێکری یێ ڤێ دەڤەرێ و کوردستانێ ب گشتی ب رەنگەکێ قارەمانانە بەرگری ژ کوردستانێ کرییە و دخۆراگربوون، دوژمن و نەیارێن کوردستانێ تێکشکاندینە".
"وەک هەردەم دوپات دکەین کو پێدڤییە حکومەتا فیدرالی ئەرکێ یاسایی و بەپررساتییا خۆ یا دەستووری بەرانبەر قوربانییێن جینۆساید و ئەنفال و کیمیابارانکرن کوردستانێ و هەمی قوربانییێن دەستێ رژێما بەرێ بجهبینیت و ئێدی مافێن وان پشتگوهـ نەهاڤێژیت".
" چ جاران ئەڤ تاوانە ژ بیرا خەلکێ نشتیمانپەروەر یێن کوردستانێ ناچن، پێدڤییە نفش ل دویڤ نفشی بزانن کا گەلێ کوردسوتانێ ب هەمی پێکهاتەڤە چەند قوربانی ژ پێخەمەت پاراستنا ناسنامەیا نشتیمانی و مافێن رەوا داینە، چ جاران دەستبەردار نەبووینە و نابن ژی، دێ بەرهنگاری هەمی وان کەسان ژی بن یێن بزاڤا داگیرکاریی و دوبارەکرنا سیاسەتا شۆڤێنی و تاوانێن بۆری دکەن".
